Авторизация
 

Цішэй едзеш — чысцей будзе. Ён падмятае Міёры

 Чырвоны трактарок з прычапной падмятальнай машынай паціху едзе па міёрскіх вуліцах. Нават пешаход яго абгоніць. У справе ўборкі спешка не памочнік, лічыць кіроўца Антон ДЗЕМІДЗЁНАК.

За баранкай трактара МТЗ-320 Антон Аляксеевіч ДЗЕМІДЗЁНАК сем год. На ім летам падмятае пыл з вуліц райцэнтра, а зімой чысціць ад снегу плошчы і тратуары. Кажа, прывык да працы. Таму на заслужаным адпачынку не глушыць матор службовай тэхнікі.

 НЕВЯЛІКІ трактар заўважылі на вуліцы Кірава. Чысціў ля бардзюраў уздоўж набярэжнай.
— Як толькі падсохла — наперад. Вясной штодня на ўборцы, летам — па неабходнасці, — усміхаецца кіроўца. — Прынцып работы машыны просты. Вось знізу па баках два кругі з металічнымі шчоткамі. Яны замятаюць бруд і пыл. У бункер смецце трапляе дзякуючы прымацаванаму ззаду цыліндру з пластмасавымі венічкамі. Рэгулюецца ўсё электронным пультом кіравання.


Паназіраць за працэсам з кабіны не атрымалася. Там толькі адно месца. Па словах Антона Аляксеевіча, працаваць зручна. У трактары цёпла, не трасе. Сочыць за станам даверанай яму тэхнікі, таму не здараецца непрадбачаных паломак. Акрамя падмятальнай машыны прымацоўвае да МТЗ-320 навясную шчотку, якой падмятае тратуары. Зімой цягнуцца за трактарком агрэгаты для чысткі снегу ці раскідвання пяску. Ёсць прычэп. На ім падвозіць саджанцы кветак на гарадскія клумбы, забірае скошаную траву.


— Камунальнікам работы круглы год хапае, без справы не сумуем, — кажа субяседнік. — Мне падабаецца быць пастаянна занятым.
У жыллёва-камунальнай гаспадарцы раёна Антон Дземідзёнак працуе дзявяты год. Прыйшоў на прадпрыемства машыністам аўтагрэйдара. З масіўнай тэхнікай даўно справу мае. Пасля службы ў пагранічных войсках, якую праходзіў на Украіне, вярнуўся ў родныя Міёры і ўладкаваўся ў дарожна-эксплуатацыйнае ўпраўленне. Спачатку бульдозерам кіраваў, затым на грэйдар перасеў. З ДЭУ перайшоў у сельгастэхніку. А ў 90-я гады падаўся ў горад Ніжневартаўск Цюменскай вобласці.


— Прывык працаваць, каб жыць годна. На месцы работы не стала, таму і паехаў на заробкі, — расказвае ён. — Там таксама быў машыністам аўтагрэйдара. Працавалі вахтавым метадам: два месяцы ў ад’ездзе, два дома з сям’ёй. Без малога дваццаць год так прайшло.


НА грэйдары УП ЖКГ Антон Аляксеевіч выраўнівае вуліцы. Але часцей гараджане бачаць яго на чырвоным трактарку. Рэдка разганяе свой МТЗ-320 да максімальнай хуткасці — 25 кіламетраў у гадзіну. Падмятальнай машыне справіцца з брудам складаней, чым з пылам. Таму едзе марудна і некалькі разоў па адным маршруце. Спешка шкодзіць уборцы, а сваю справу трэба рабіць якасна. 

Фота Казіміра БЛАЖЭВІЧА.

Кацярына РЫНКЕВІЧ.

рейтинг: 
Пакінуць каментар
иконка
Посетители, находящиеся в группе Гости, не могут оставлять комментарии к данной публикации.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 18 мая 2022
Адриан, Ирина, Яков

Именины 17 мая 2022
Иван, Исаакий, Кирилл, Климент, Леонтий, Никита, Николай, Мария, Пелагея

Госці краін

free counters
Партнеры сайта