Авторизация
 

Таццяна Цімафеева з Міёр — мама чацвярых дзяцей

 На пытанне “навошта чалавеку патрэбна мама”, дзеці адказваюць: “абараняе ад бед”, “вучыць усяму добраму”, “любіць дзяцей”, “для шчасця”… Так прыемна ўсведамляць, што матуля прыносіць шчасце! А для любой з іх шчасце — яе дзеці.

Быць мамай складана, асабліва для чужога дзіцяці. Гэта значыць расхіснуць сваё сэрца, не пакінуць у ім ні аднаго куточка з недаверам і недаказанасцю. Тыя, у каго зламаны лёс, адчуваюць гэта інстынктыўна.


Таццяна Цімафеева — мама чацвярых дзяцей: дваіх сур’ёзных дарослых сыноў і дзвюх чароўных дачок. Жыццё магло пайсці інакш, усё вызначыў выпадак. У Таццяны Вітальеўны і Фёдара Васільевіча раслі сыны. Аднойчы малодшы захварэў і трапіў у бальніцу. Таццяна часта наведвала Валерыя і звярнула ўвагу на дзвюх маленькіх сястрычак, да якіх ніхто не прыходзіў. Аказалася, іх павінны былі змясціць у прытулак.


Матчыным сэрцам адчула: дзяўчынак трэба забіраць у сям’ю. Муж і сыны падтрымалі рашэнне. Так у доме з’явіліся пяцігадовая Вера і трохгадовая Маша.


З тае пары прайшло амаль дзесяць год. Колькі бяссоных начэй Таццяна Вітальеўна правяла ля ложку Веры, калі тая хварэла. Была разам з ёй на абследаваннях, аперацыі, лячэнні ў абласных і рэспубліканскіх клініках, адпраўляла ў лепшыя санаторыі Беларусі.


Былі праблемы з адаптацыяй дзяўчынак да жыцця ў новай сям’і. Даводзілася тлумачыць элементарнае: што смачная ежа будзе заўсёды і не трэба яе хаваць “на потым”, калі хочаш штосьці, скажы, а не крычы голасна, што мама і тата будуць побач. А потым праблемы падлеткавага ўзросту...


Але ўсё можна вырашыць, калі рабіць гэта разам, усёй сям’ёй. Галоўнае, каб былі каханне, цярпенне, павага і ўзаемавыручка. Дзеці прагна ўсмоктваюць такую атмасферу. Усе члены сям’і Цімафеевых — усмешлівыя, добразычлівыя і адкрытыя. Усе берагуць адзін аднаго, жывуць сённяшнім, радуюцца кожнаму дню, які праводзяць разам. Таццяна Цімафеева — сапраўдны ўзор мацярынства, жанчына, дзякуючы якой у сям’і лад і ўтульнасць. Яна не дзеліць дзяцей на сваіх і чужых, вучыць з павагай ставіцца да старэйшых, працаваць і трымаць у парадку рэчы, адзенне, думкі.


Таццяна Вітальеўна вырашае любыя праблемы. Патрэбны маскарадны касцюм на ранішнік— шые, клеіць, фарбуе. Калі ў дзяўчынак праблемы ў школе, пракансультуецца з настаўнікам, знойдзе спецыяльную літаратуру. Усё сваё жыццё яна кагосьці апякае, выручае, дапамагае. Прыстойнасць, працавітасць, сціпласць, бескарыслівасць — гэта пра яе. Строгая, прынцыповая, але справядлівая.


Таццяна Цімафеева сваім дзецям і сапраўдны сябар, і аўтарытэт, і прыклад для пераймання. На пытанне пра самага значымага чалавека ў іх жыцці абедзве дзяўчынкі, не задумваючыся, адказваюць: “наша мама!”.


Напярэдадні Міжнароднага жаночага свята хочацца павіншаваць Таццяну Вітальеўну, усіх мам раёна, бацькоў-выхавальнікаў з гэтым цудоўным днём, пажадаць здароўя, шчасця, цярплівасці, аптымізму, гордасці за дзяцей, якія сталі роднымі. Няхай іх любоў і ўдзячнасць стануць для вас лепшай узнагародай!


Анжэліка БАНЬКОЎСКАЯ,

загадчык аддзела раённага

сацыяльна-педагагічнага цэнтра.

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 95 955
  • 0

Інвестыцыйны форум

  • 23 сентябрь 2011, 10:05
  • 75 610
  • 1

Злавілі рыбку, ды… залатую

  • 28 февраль 2011, 16:16
  • 45 985
  • 0

Пераброддзе 2012. Погляд вучонага

  • 31 август 2012, 15:19
  • 38 559
  • 0

  • 11 февраль 2011, 11:20
  • 37 274
  • 0

Кандыдатамі жадаюць стаць

  • 21 август 2012, 15:30
  • 34 805
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 23 786
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 23 марта 2019
Виктор, Георгий, Денис, Дмитрий, Иван, Леонид, Марк, Михаил, Павел, Федор, Анастасия, Василиса, Галина, Ника

Именины 22 марта 2019
Александр, Алексей, Валерий, Дмитрий, Иван, Ираклий, Кирилл, Леонтий, Михаил, Николай, Петр, Сергей, Тарас, Александра, Наталья, Афанасий

Госці краін
free counters
Партнеры сайта