Авторизация
 

Да праекта з крышачкамі далучыліся выхаванцы і вучні Туркоўскай я/с-СШ

 Да сацыяльна-экалагічнага праекта “Новая жизнь в обмен на крышечки” далучыліся выхаванцы і вучні Туркоўскай яслі-сад — сярэдняй школы. “Для чаго мы збіраем крышачкі?” — пытаецца выхавальнік. “Каб дарыць!” — адказвае маленькая дзяўчынка. З вуснаў дзіцяці гучыць ісціна. Звычайныя пластыкавыя крышкі падораць дабрыню, надзею і радасць тым, хто мае ў гэтым асаблівую патрэбу.

ДЛЯ выхаванцаў малодшай дашкольнай групы рознакаляровыя пластыкавыя крышкі — і цацкі, і матэрыял для творчасці, а цяпер яшчэ і магчымасць рабіць дабро. Падтрымаць праект “Новая жизнь в обмен на крышечки” вырашыла выхавальнік Алена Сташкевіч.


— Пра гэтую акцыю чытала ў інтэрнэце, затым з раённай газеты даведалася, што збор крышачак распачалі на Міёршчыне. Ахвотна далучаемся разам з дзеткамі, — гаворыць Алена Мікалаеўна. — Збіраць крышкі для нас не нова. Выкарыстоўваем іх для гульні і творчасці. Зрабілі масажор, дарожку для ступняў. Дзецям падабаецца выкладваць з крышачак кветкі і фігуркі звяроў.


ВЫХАВАЛЬНІК не застаецца ў баку ад праблем экалогіі. Распрацоўвае тэму самаадукацыі “Экалагічнае выхаванне як умова фарміравання ў дашкольнікаў любові да роднага краю”. Ладзяць экскурсіі па аграгарадку, гавораць пра чысціню і парадак на вуліцах і ў сваім двары. Нядаўна прайшоў конкурс малюнкаў “У атмасферы эканоміі і беражлівасці”. Разам з бацькамі дзеці адлюстроўвалі на паперы, як трэба абыходзіцца з вадой, святлом і іншымі выгодамі.


— Імкненне клапаціцца пра свет вакол сябе, дапамагаць іншым, не заставацца раўнадушнымі да чужых праблем трэба закладваць з малых гадоў. А яшчэ важна быць актыўнымі і прымаць удзел у розных акцыях і мерапрыемствах, — упэўнена Алена Мікалаеўна.


МАЛЫЯ акуратна перасыпаюць крышачкі ў пакет. Яны ведаюць, што сабраная імі сыравіна паедзе ў Мінск, затым на перапрацоўчы завод, а выручаныя сродкі пойдуць на дапамогу хворым дзецям. Першы ўнёсак у добрую справу ад дванаццаці выхаванцаў малодшай дашкольнай групы і іх педагога — кілаграм крышачак. Гэта толькі пачатак.


— У школе ведаюць, што мы крышкі збіраем. Час ад часу нам і вучні іх прыносілі, — заўважае выхавальнік. — Асобны кантэйнер паставім на школьным калідоры. 

P.S. Колькасць пунктаў збору крышачак на Міёршчыне павялічваецца. У ліку новых удзельнікаў праекта — Чапукоўская і Сіцькоўская яслі-сад — сярэднія школы, Міёрскі дзіцячы сад №2.

Фота Казіміра БЛАЖЭВІЧА.

Кацярына РЫНКЕВІЧ.

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 94 936
  • 0

Інвестыцыйны форум

  • 23 сентябрь 2011, 10:05
  • 72 499
  • 1

Злавілі рыбку, ды… залатую

  • 28 февраль 2011, 16:16
  • 38 291
  • 0

Пераброддзе 2012. Погляд вучонага

  • 31 август 2012, 15:19
  • 36 951
  • 0

  • 11 февраль 2011, 11:20
  • 35 673
  • 0

Кандыдатамі жадаюць стаць

  • 21 август 2012, 15:30
  • 33 883
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 22 904
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 21 января 2019
Василий, Виктор, Владимир, Георгий, Григорий, Дмитрий, Евгений, Емельян, Иван, Илья, Михаил, Юлиан, Василиса, Доминика

Именины 20 января 2019
Василий, Иван, Афанасий

Госці краін
free counters
Партнеры сайта