Авторизация
 

На Міёршчыне праходзіў месячнік “Чалавек з белым кіем”

 З 15 кастрычніка да 15 лістапада на Міёршчыне доўжыўся месячнік “Чалавек з белым кіем”. Яго дэвіз — “Даступнасць паслуг і сэрвісаў банкаў для людзей з інваліднасцю па зроку”. Прайшлі мерапрыемствы, мэта якіх — сацыякультурная дзейнасць, актыўны адпачынак, прыцягненне ўвагі грамадскасці да праблем невідушчых. 

— У нашых радах 32 чалавекі, — гаворыць старшыня Міёрскай пярвічнай арганізацыі грамадскага аб’яднання “Беларускае таварыства інвалідаў па зроку” Ліліяна Батарчук. — На жаль, гэта не ўсе, хто ў раёне мае праблемы са зрокам. Такіх нашмат больш, але не кожны гатовы звярнуцца да нас са сваёй бядой. Таму адна з мэт акцыі — далучыць да аб’яднання як мага больш грамадзян з інваліднасцю, каб разам вырашаць паўсядзённыя пытанні.


 Ліліяна Аркадзьеўна расказала гісторыю ўзнікнення белага кія. Такая рэч — не проста апавяшчэнне акружаючым, што яе ўладальнік не такі, як усе. Гэта яшчэ і вочы невідушчага чалавека.


Спецыялісты тэрытарыяльнага цэнтра сацыяльнага абслугоўвання насельніцтва сумесна з пярвічкай “Беларускага таварыства інвалідаў па зроку” праводзілі тэматычныя гутаркі, дэманстравалі відэаролікі.


 Падчас “круглага стала” з інвалідамі па зроку і маладымі інвалідамі абмеркавалі, наколькі паслугі “Белаграпрамбанка” і “Беларусбанка” ў Міёрах даступныя для людзей з абмежаванымі магчымасцямі. Пра спецыяльныя прапановы і безбар’ернае асяроддзе ў сваіх установах расказалі начальнік ЦБП №216 “Белаграпрамбанка” Людміла Хован і спецыяліст “Беларусбанка” Галіна Рубанік. У падарунак атрымалі буклеты “Этыка зносін з невідушчымі людзьмі”.


Як абараніць зрок зімой, пракансультавала ўрач-афтальмолаг раённай паліклінікі Кацярына Зінькевіч. Пажадана насіць сонечныя акуляры, толькі шкляныя, а не пластыкавыя. Не дапускаць перасыхання вачэй: выкарыстоўваць увільгатняльнік паветра або ставіць ёмістасць з вадой на батарэю ацяплення ў памяшканні. Пры патрэбе капаць прэпараты натуральнай слязы. Рабіць гімнастыку для зроку.


Загадчыца аддзялення дзённага знаходжання для інвалідаў і суправаджальнага пражывання ТЦСАН Таццяна Шульга правяла практычны занятак па правілах суправаджэння інвалідаў па зроку з выкарыстаннем сучасных тэхнічных сродкаў сацыяльнай рэабілітацыі. Заклікала ўдзельнікаў аб’яднання не замыкацца ў сабе, займацца творчасцю, не падаць духам. І абавязкова трымацца разам: у будні і святы. 

ДАРЭЧЫ:
У тэрытарыяльным цэнтры сацыяльнага абслугоўвання насельніцтва абсталяваны вугалок з ціфласродкамі (прыстасаванні, што палягчаюць людзям, у якіх праблемы са зрокам, працу і засваенне інфармацыі). Тут ёсць вагі, тэрмометр, будзільнік і гадзіннік, якія агучваюць паказчыкі, нож з дазатарам, спецыяльны кій, дазатар вадкасці і смартфон.

Фота аўтара.

Алена ВАРОНІНА.

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 94 980
  • 0

Інвестыцыйны форум

  • 23 сентябрь 2011, 10:05
  • 72 596
  • 1

Злавілі рыбку, ды… залатую

  • 28 февраль 2011, 16:16
  • 38 460
  • 0

Пераброддзе 2012. Погляд вучонага

  • 31 август 2012, 15:19
  • 37 017
  • 0

  • 11 февраль 2011, 11:20
  • 35 739
  • 0

Кандыдатамі жадаюць стаць

  • 21 август 2012, 15:30
  • 33 922
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 22 946
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 23 января 2019
Анатолий, Григорий, Зиновий, Макар, Павел, Петр

Именины 22 января 2019
Захар, Павел, Петр, Антонина, Филипп

Госці краін
free counters
Партнеры сайта