Авторизация
 

Юбілей камсамолу святкавалі разам ветэраны працы і моладзь у Міёрах

 Юбілею самай масавай маладзёжнай арганізацыі вялікай краіны — СССР — прысвячалася мерапрыемства, якое прайшло ў гасцёўні тэрытарыяльнага цэнтра сацыяльнага абслугоўвання насельніцтва  12 кастрычніка.

Сімвалічна, што вялі мерапрыемства колішняя камсамолка Ірына ГУШЧА, якая некалі ў складзе студэнцкага будатрада ўзводзіла аб’екты піянерскага лагера, што потым стаў дзіцячым санаторыем “Расінка”, і першы сакратар райкама ГА БРСМ Вікторыя ПЯТКЕВІЧ.

Удзельнікаў сустрэчы вітала намеснік начальніка аддзела ідэалагічнай работы, культуры і па справах моладзі Аксана Ашурка. Выказала словы падзякі тым, хто пранёс юнацкую актыўнасць праз дзесяцігоддзі, вызначыўся ў працоўных і грамадскіх справах. Для іх выконвалі музычныя нумары таленавітыя вучні дзіцячай школы мастацтваў Кірыл Дзехцяронак, Ягор Абалевіч, Віталь Нарэйка і Аляксандр Дундар пад кіраўніцтвам выкладчыка Таццяны Бялевіч.


 Размову пра сваё камсамольскае юнацтва пачала Ала Смерцьева, для ілюстрацыі прынесла стос здымкаў ранейшых актывістаў.


Уступленне ў камсамол было для 14-гадовых хлопцаў і дзяўчат важнай падзеяй. Рыхтаваліся, імкнуліся добра вучыцца, удзельнічалі ў розных справах, вывучалі статут, хваляваліся перад пасяджэннем бюро РК ЛКСМБ. Гэта агульнае для ўсіх, а потым кожны ішоў сваім шляхам. Ала Пятроўна стала настаўніцай, вяла ў СШ №2 урокі хіміі і біялогіі, а яшчэ гурткі, была абрана сакратаром пярвічнай настаўніцкай камсамольскай арганізацыі. З вучнямі ездзіла з канцэртамі і навукова-папулярнымі праграмамі па сельскіх клубах. Як стала сакратаром райкама камсамола, узначаліла раённую піянерскую арганізацыю. Прыгадвае, што ўсё для яе было новае, цікавае. Не палохалі паездкі ў аддаленыя школы, іншы раз дабіралася пешшу. Вазіла дзіцячыя дэлегацыі на адпачынак і экскурсіі, удзельнічала ў злётах, сходах, канферэнцыях, гэта патрабавала вучыцца самой. Такім чынам прайшла школу актыву. Пераканана, што маладзёжная арганізацыя ў краіне абавязкова павінна быць, з’яўляцца школай маладзёжнага актыву, забяспечваць выхаванне рэзерву кадраў кіраўнікоў. 

 СТАРШЫНЯ раённага аб’яднання прафсаюзаў Аляксандр Барэйка таксама быў камсамольцам. Пачынаў працоўны шлях памочнікам камбайнера, тройчы ўдзельнічаў у студэнцкіх будаўнічых атрадах падчас вучобы ў інстытуце. Маладой энергіі хапала на канцэрты, выступленні ў вёсках. Вось з такой загартоўкай працаваў у сферы бытавога абслугоўвання на Міёршчыне, стаў партыйным работнікам.


Для арганізатара работы з ветэранамі Часлава Кашкура і цяпер памятны пешы паход на пасяджэнне бюро РК ЛКСМБ з Павяцця ў Міёры, калі школьнікам уступаў у камсамол. Потым у якасці другога сакратара райкама арганізоўваў палітычную вучобу моладзі, ствараў камсамольска-маладзёжныя звенні, брыгады, фермы, прымаў студэнцкія будатрады.


 Леанід Матэленак не быў штатным камсамольскім работнікам, але стаў сакратаром пярвічкі і няштатным сакратаром РК ЛКСМБ, меў дачыненне да дзейнасці камсамольскай палітасветы, “Камсамольскага пражэктара”, асвятлення маладзёжнага руху ў раённай газеце на працягу дзесяцігоддзяў.


 Для сувязіста Пятра Хілько працоўная дзейнасць непарыўна звязана з камсамольскай работай, таксама пачынаў грамадскую кар’еру сакратаром пярвічкі. Гэта арганізацыя спаборніцтва на вытворчасці, спартыўныя мерапрыемствы, дзейнасць добраахвотнай народнай дружыны і групы народнага кантролю, суботнікі… Пры гэтым сам рос ад манцёра да начальніка раённага вузла электрасувязі. Як прайсці такі шлях без энтузіязму, адказнасці, маладога запалу?!


Як свята прыгадвае ўступленне ў камсамол Вольга Чапулёнак, тады вучаніца Язненскай СШ. Ёй было наканавана ўнесці свой уклад у адраджэнне маладзёжнага руху на Міёршчыне ў якасці першага сакратара ўжо сучаснага райкама БРСМ. Цяперашняя маладзёжная арганізацыя ідзе шляхам, які праклаў камсамол. З’яўляецца школай патрыятычнага выхавання юнакоў і дзяўчат, іх працоўнай і ідэйнай загартоўкі, адбору актыву і стварэння рэзерву кадраў.


На сустрэчы прагучала шмат маладзёжных песень, невыпадкова яна закончылася пад словы, напэўна, самай знакамітай — “Не расстанусь с комсомолом…” 

 

Фота Казіміра БЛАЖЭВІЧА.

Леанід МАТЭЛЕНАК

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 96 378
  • 0

Інвестыцыйны форум

  • 23 сентябрь 2011, 10:05
  • 77 142
  • 1

Злавілі рыбку, ды… залатую

  • 28 февраль 2011, 16:16
  • 48 827
  • 0

Пераброддзе 2012. Погляд вучонага

  • 31 август 2012, 15:19
  • 39 352
  • 0

  • 11 февраль 2011, 11:20
  • 38 094
  • 0

Кандыдатамі жадаюць стаць

  • 21 август 2012, 15:30
  • 35 232
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 24 204
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 26 апреля 2019
Георгий, Дмитрий, Марфа

Именины 25 апреля 2019
Василий, Давид, Иван, Сергей, Мария, Марфа

Госці краін
free counters
Партнеры сайта