Авторизация
 

Восеньскі кірмаш прайшоў у Міёрах і Дзісне

 Восеньскі кірмаш у Міёрах прайшоў у нядзелю, 14 кастрычніка, з размахам. Ахапіў цэнтр горада — плошчу ля РДК і прылеглыя вуліцы Камуністычную і Савецкую. 

Ажыятажны попыт з чэргамі быў напачатку, калі машыны з сельгаспрадукцыяй толькі пад’язджалі. Міярчане хутка апустошылі аўтамашыну ААТ “Пад’ельцы”, з якой набывалі бульбу гатунку “Гала” па восем рублёў за 30-кілаграмовы сеткавы мяшок і пшаніцу па 35 капеек за кілаграм. Гандаль клубнямі “Скарба” з Туркова і “Рагнеды” з Цвеціна ішоў ужо размерана.


 Попытам карысталася капуста. Яе хапала. Прыгожыя качаны “Беларускай” прапаноўвала мясцовая “Сядзіба аратага”, гатункі “Мантарэй”, “Атрыя”, “Адаптар” і іншыя для квашання на зіму рэалізоўвалі сялянскія гаспадаркі з Глыбоччыны. Агародніну ў шырокім асартыменце прывезлі нават з Брэстчыны. Гэта не толькі часнок, свежыя перцы, агуркі і памідоры, нават мочаныя таматы і квашаная капуста. Шмат цыбулі па 70-80 капеек за кілаграм, розных гатункаў і памераў морквы коштам ад 40 да 80 кап./кг. Каго не задавальняла прывазная сельгаспрадукцыя, маглі набыць мясцовую з машын райспажыўтаварыства і Міёрыгандлю, у тым ліку журавіны.


ААТ “Узмёнскі край” танна прадавала мёд, фермер Уладзімір Жабёнак упершыню прывёз таматны сок па 10 рублёў за 3-літровы слоік. Здзіўлялі памерамі і формамі гарбузы. Не надта тоўпіліся гара- джане ля павільёнаў Полацкага КХП і райспажыўтаварыства, аўтамагазіна з Глыбокага з мяснымі прадуктамі—яны рэалізоўваюцца ў райцэнтры пастаянна.


 Нядоўга прастаяў транспарт з лясгаса з дрывамі, парэзанымі цурбанамі і меранымі бярвеннямі.


Багаты выбар саджанцаў дэкаратыўных і пладовых дрэў і кустоў прапаноўвалі мясцовыя лясгас, “Дэмскі сад” і аматары, гадавальнікі з Мінска, Лепеля, Барысава, Глыбокага. Кветак наогул рознакаляровае мноства.


 Карысталіся ўвагай прылаўкі прадпрымальнікаў, іх таксама сабралася больш звычайнага.
Але так не бывае, каб усім усяго хапіла. Не раз давялося пачуць: вось бы яшчэ свежай рыбы! Але гэта, напэўна, толькі для поўнага шчасця, бо марожанай марской было дастаткова.

Фотаматэрыял Казіміра БЛАЖЭВІЧА. Больш фота ў групах "Миоры. Новости / Міёрскія навіны" у сацыяльных сетках ВК, ОК, Твітэр, Фэйсбук.

Леанід МАТЭЛЕНАК.

Жыхары Дзісны змаглі папоўніць свае зімовыя запасы ў традыцыйны

для горада рынкавы дзень, у суботу, 13 кастрычніка.

 Бульбу па восем рублёў за 30-кілаграмовую “сетку” рэалізоўвала сельгаспрадпрыемства  “Цітова”, зерне (ячмень і пшаніцу) — “Папшулі”, “Мікалаёўскі” — толькі пшаніцу па 31 капейцы за кілаграм. Агародніну — капусту, моркву, буракі і іншае — прывезлі з райцэнтра райспажыўтаварыства і Міёрыгандаль. Глыбоцкая птушкафабрыка прапаноўвала яйкі і кураціну, Міёрскі хлебазавод — хлебабулачныя і кандытарскія вырабы. Дзісенскі ўчастак УП ЖКГ і лясгас прывезлі дровы, рэзаныя і нярэзаныя па цане ад 180 да 260 рублёў за прычэп у залежнасці ад яго ўмяшчальнасці.


 Як звычайна, на рынку гандлявалі мясцовыя і прыезджыя прадпрымальнікі. Культурную праграму арганізавалі спецыялісты ГЦК.
Чэргі за сельгаспрадукцыяй былі. За адзін дзень попыт не задаволены найперш на зерне і дровы, па просьбе гараджан іх продаж дадаткова арганізуюць у наступную суботу.


Яўген БАРАН, старшыня
Дзісенскага гарвыканкама.

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 96 297
  • 0

Інвестыцыйны форум

  • 23 сентябрь 2011, 10:05
  • 76 906
  • 1

Злавілі рыбку, ды… залатую

  • 28 февраль 2011, 16:16
  • 48 396
  • 0

Пераброддзе 2012. Погляд вучонага

  • 31 август 2012, 15:19
  • 39 209
  • 0

  • 11 февраль 2011, 11:20
  • 37 940
  • 0

Кандыдатамі жадаюць стаць

  • 21 август 2012, 15:30
  • 35 155
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 24 128
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 20 апреля 2019
Аркадий, Георгий, Даниил, Петр, Акулина, Евдокия

Именины 19 апреля 2019
Григорий, Иван, Павел, Петр, Севастьян, Яков

Госці краін
free counters
Партнеры сайта