Авторизация
 

Юлія Чаховіч на Міёрскім РВПС удала камплектуе стосы важных дакументаў

 На першы погляд работа архівіста сумная, аднастайная. Мноства тоўстых папак з паперамі і нічога творчага. Аднак гэта не так, сцвярджае Юлія ЧАХОВІЧ, інспектар па кадрах раённага вузла паштовай сувязі.

Працаваць на пошту Юлія прыйшла ў 2010 годзе. Спачатку была сакратаром, пазней стала сумяшчаць кадравую справу з абавязкамі архівіста. Работа з паперамі заўсёды падабалася. Лічыць, што за кожным дакументам стаіць чалавек. Ёй цікава праглядаць старыя справаздачы, аўтабіяграфіі, загады.


— Сённяшнія дакументы радыкальна адрозніваюцца ад ранейшых. Цяпер пішуць па шаблонах. Напрыклад, біяграфія: нарадзіўся, вучыўся, ажаніўся. Чытаючы ранейшыя, адразу ўяўляеш лёс чалавека, яго сям’і. У іх адчуваецца душа, — заўважае субяседніца.


У пачатку года складаюць наменклатуру спраў. Гэта пералік усіх дакументаў арганізацыі. Ад таго, наколькі правільна яны аформлены і згрупаваны, залежыць час, які пазней затраціш, каб знайсці патрэбны. Кожны неабходна пранумараваць. А гэта па тры-чатыры папкі ў год толькі па асабовым саставе.


Аднойчы звярнулася жанчына, якая калісьці працавала на пошце. Давала водпуск асноўнаму работніку. Калі дакладна, не памятала: прыкладна 1985-1997г.г. Давялося перабраць каля сарака пяці папак. Патрэбныя дакументы так і не адшукалі, хаця папярэдніца Юліі Людміла Уладзіміраўна Варанцова граматна вяла справаводства. Знайшла спецыяліст шмат карыснага для сябе. Зацікавіла сістэма матэрыяльнага заахвочвання работнікаў, іх новаўвядзенні і вынаходніцтвы.


Папкі з дакументамі ў архіве раённага вузла паштовай сувязі займаюць паліцы да самай столі. Гэта ўжо няшмат, адзначае Юлія Чаховіч, нядаўна здалі ў архіў справаздачы за 1982-2014 гады. Хутка рэарганізацыя ўстановы, таму неабходна падрыхтаваць дакументы да 2017-га. Галоўнае — займацца гэтым пастаянна, каб не давялося потым вялізную работу выконваць тэрмінова.


З нагоды прафесійнага свята, што адзначалі 6 кастрычніка, жадае калегам сямейнага шчасця, здароўя і дабрабыту, а ў рабоце — мэтанакіраванасці і дакладнасці. 

ДАРЭЧЫ
У сярэднявеччы архівы давяралі толькі святарам, якія заслужылі асаблівую павагу. Стаць іх вучнем або памочнікам было складана, бо яны мелі доступ да важных дакументаў, захоўвалі таямніцы і сакрэты. 

Фота Казіміра БЛАЖЭВІЧА.

Алена ВАРОНІНА.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 17 июня 2021
Иван, Митрофан, Назар, Петр, Ростислав, Мария, Марфа, Софья

Именины 16 июня 2021
Денис, Дмитрий, Лукьян, Михаил, Павел, Юлиан, Афанасий

Госці краін

free counters
Партнеры сайта