Авторизация
 

Як закрылі адпачынкавы сезон на "Мацейкавай сялібе" ў Пераброддзі

 Кацярына РЫНКЕВІЧ.

Фота аўтара.

Каляровая воўна цешыла позіркі і сагравала рукі. На душы было цёпла ад прыемнага патрэсквання дроў у каміне і нязмушаных размоў паміж людзьмі, многія з якіх бачыліся ўпершыню. Пазнавальным і творчым атрымалася закрыццё адпачынкавага сезону на “Мацейкавай сялібе” ў Пераброддзі.

Эфектыўны адпачынак — гэта змена відаў дзейнасці. На аграсядзібе “Мацейкава сяліба” ў Пераброддзі асартымент цікавых спраў шырокі.

 Каштоўнасць часу, праведзенага
разам
Самае дарагое, што можам зрабіць блізкім — падарыць ім свой час. Так лічыць гаспадыня аграсядзібы Галіна Паўлоўская. Таму ў “Мацейкавай сялібе” акцэнт на сямейны адпачынак. Штогод з мая да кастрычніка тут рады адпачывальнікам.


— У чэрвені дзейнічаў сямейны лагер. Адпачывалі пяць сем’яў. Прапаноўвала экскурсіі па музеі вясковага побыту і працы, майстар-класы па розных відах творчасці, якія праводзілі майстры з Міёр. Знаёміліся з культурнымі і забаўляльнымі набыткамі Міёршчыны, Браслава, Полацка, — расказвае Галіна Уладзіміраўна. — Шмат гасцей сёлета прымала. Двойчы — у маі і падчас фестывалю “Жураўлі і журавіны Міёрскага краю” — спынялася на адпачынак пасол Вялікабрытаніі Фіёна Гібб. Прыязджалі сем’і з Беларусі і Расіі. Многія сталі нашымі сябрамі і штогод тут адпачываюць.


 Адметнасць сёлетняга сезону ў тым, што ў Год малой радзімы здзейснілася даўняя мара гаспадыні — пачаў дзейнічаць куток “Мацейкавы рамёствы”. Колішнія гаспадарчыя пабудовы Галіна Уладзіміраўна разам з мужам ператварылі ў музей і творчую майстэрню. Экспанатамі для музея сталі рэчы роднага дзядулі Мацея, якога лічылі ўмелым майстрам у перабродскіх ваколіцах і чыё імя носіць аграсядзіба.

Пра цяпло сяброўства
і сілу нашых каранёў
З экскурсіі па музеі вясковага побыту і працы пачала гаспадыня сустрэчу “Крэатыўны ўзрост” (так вырашылі назваць завяршальнае мерапрыемства адпачынкавай пары). Пра скрыні, маляванкі, сярпы, саху і іншыя рэчы даўняга хатняга і гаспадарчага ўжытку, пра побыт вяскоўцаў расказвала сваім сябрам. Ра-зам праводзіць лета запрасіла калег па аграэкатурыстычнай справе. Яны прыехалі з Нясвіжа, Міра, Верхнядзвінска, Лепельскага раёна. Адразу з балота завіталі госці з Язна. Гаспадыня аграсядзібы “Белыя росы” Наталля Жойдзік з язненскімі настаўнікамі напярэдадні скіраваліся ў паход па маршруце балота Жада — экасцежка. Набралі журавін па дарозе, яшчэ ў рукзаку Наталлі—сыр і масла з уласнай гаспадаркі ўсім на пачастунак.


Як заўважыла гаспадыня “Сядзібы бабы Мароз” Вольга Мароз, у сферы аграэкатурызму непатрэбна канкурэнцыя, тут вучацца адзін у аднаго, пераймаюць вопыт. Яшчэ ў ліку гасцей клуб “Бажэна”, мастачка з Міёр Вольга Чарняўская, якая летам праводзіла на аграсядзібе майстар-класы для адпачывальнікаў.


Кожная рэч у музеі для Галіны Паўлоўскай — каштоўнасць. Партрэт каровы на ўваходзе, які намалявала знаёмая з Мінска; змайстраваная дзядулем лаўка, што за сто год не страціла трываласць; драўляная лапата, на якой садзілі ў печ хлеб, кошык для прасейвання зерня, вялікая скрыня, у якой прывезла пасаг бабуля; цымбалы, што зрабіў дзед і на якіх граў тата. Пра ўсё гаворыць з цеплынёй.


— Нашы карані робяць нас мацней, дадаюць дабрыні, — падводзіць вынік напрыканцы расповяда.

  Вочы не вераць,
а рукі стараюцца
З музея пераходзім у майстэрню. Будзем “маляваць” воўнай. Галіна Уладзіміраўна заўважае, што ёсць розныя тэхнікі работы з гэтым матэрыялам. Асвоім асновы воўнавай акварэлі.


Перад вачыма каляровая раздрукоўка асенняга пейзажу. Падобная павінна атрымацца з воўны. Якім чынам? Перш-наперш вымаем з рамак, што прывезлі з сабой, кардонную аснову. На адзін бок наклейваем белую папяровую сурвэтку. Пакрысе ўсцілаем яе тонкім дыванком неафарбаванай воўны. Аснова гатова. Цяпер у рабоце каляровы матэрыял і фантазія. Накладаем карычневыя ствалы дрэў і стракатую асеннюю лістоту, блакітна-сінюю рачулку і яшчэ зялёную траву. Захапіліся так, што не заўважылі, як на дварэ прайшоў моцны дождж і зноў стала сонечна. Арыентаваліся на адзін узор, атрымалася ў кожнага па-свойму.


— Любая творчасць — гэта тэрапія. Калі чымсьці захапляешся, душа расцвітае, змяняюцца рэаліі, знаходзіш аднадумцаў, — гаворыць Галіна Уладзіміраўна. — Нават не ўяўляла, што будзе вялікі попыт на майстар-класы па рабоце з поўсцю. Ахвотна працавалі з ёй і дзеці, і дарослыя. Многія адпачывальнікі здзіўляюцца, што з такога матэрыялу можна ствараць карціны.

Іспыты па філасофіі
і харэаграфіі
Творчы працэс змяніўся зносінамі ў пакоі, дзе асаблівую ўтульнасць стварае камін. Перш-наперш частуюць фірменнай стравай — смачнай і сытнай юшкай. На яе заўсёды попыт на фестывалі “Перабродская зорка”. Гатуе юшку мясцовая жыхарка Галіна Генадзьеўна Паўлоўская. Даспадобы прыйшоўся і сыр умелай гаспадыні.


Каб пазнаёміцца бліжэй, госці па чарзе расказваюць пра сябе. Затым Галіна Уладзіміраўна прапаноўвае своеасаблівы асенні экзамен. Выцягваем папяровыя кляновыя лісточкі з афарызмамі і разважаем пра іх сэнс. “Будзьце занятыя. Гэта самыя танныя лекі на зямлі і адны з самых эфектыўных”, — трапіла выказванне Дэйла Карнегі. Можна дапоўніць — будзьце занятыя любімай справай. Прагучала шмат мудрых і слушных думак, у сапраўднасці якіх большасць з гасцей упэўнівалася на сабе.


 Усмешак і актыўнасці дадалі госці з Лепельшчыны — гаспадар аграсядзібы “Поўсвіж” Васіль Шкіндзер і яго сябар Ула-дзімір. Абодва граюць на музычных інструментах, ведаюць народныя танцы, збіраюць фальклор у сваёй мясцовасці. На нейкі час звычайны пакой ператварыўся ў танцпляцоўку з самабытным музычным суправаджэннем. Мелодыі, танцы і песні паставілі кропку ў крэатыўнай сустрэчы.

рейтинг: 
Пакінуць каментар
Мы ў сацыяльных сетках
  • 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 96 872
  • 0

Інвестыцыйны форум

  • 23 сентябрь 2011, 10:05
  • 78 788
  • 1

Злавілі рыбку, ды… залатую

  • 28 февраль 2011, 16:16
  • 53 455
  • 0

Пераброддзе 2012. Погляд вучонага

  • 31 август 2012, 15:19
  • 40 328
  • 0

  • 11 февраль 2011, 11:20
  • 39 105
  • 0

Кандыдатамі жадаюць стаць

  • 21 август 2012, 15:30
  • 35 684
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 24 660
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 27 июня 2019
Александр, Владимир, Георгий, Иосиф, Николай, Павел

Именины 26 июня 2019
Александр, Алексей, Андрей, Даниил, Дмитрий, Иван, Акулина, Александра, Анна, Антонина, Пелагея

Госці краін

free counters
Партнеры сайта