Авторизация
 

Як адзначылі прафесійнае свята ў Міёрскай бібліятэцы

Кацярына РЫНКЕВІЧ.

Фота аўтара.

 З добрымі сябрамі за чаем, ласункамі і размовамі адзначылі прафесійнае свята бібліятэкары Міёрскай цэнтральнай бібліятэкі.

Бібліятэкі — гэта свабода. Свабода чытаць, свабода ў зносінах. Гэта адукацыя (якая не заканчваецца ў той дзень, калі мы пакідаем школу або ўніверсітэт), гэта вольны час, гэта сховішча і гэта доступ да інфармацыі.
Ніл Гейман, англійскі пісьменнік-фантаст.

ДЛЯ наведвальнікаў падрыхтавалі выставу сучасных і класічных твораў. Джордж Оруэл, Паула Коэльа, Рэй Брэдберы, Харукі Муракамі, Барыс Акунін. Мяркуючы па датах на лістках выдачы, кнігі гэтых аўтараў запатрабаваныя.


— З дзяцінства люблю чытаць. Цікавіць літаратура пра Вялікую Айчынную вайну. Падабаюцца дэтэктывы, так званыя мужчынскія раманы. З захапленнем чытала серыю “Спецназ ГРУ”, Андрэя Таманцава, Аляксандра Тамонікава. Дома няма інтэрнэту, ды мне ён і не патрэбны. Чытаючы кнігу, пражываю яе. Дзейнічаю і перажываю разам з героямі, — расказвае Ганна Сільвестраўна Лук’янава з Пад’ельцаў. — Жыву ў Міёрскім раёне дваццаць шэсць год і пастаянна наведваю бібліятэку. Прыходжу сюды нібы ў родны дом.


 Чытачоў, чый стаж вымяраецца дзясяткамі год, запрасілі ў чытальную залу. За круглым сталом з кветкамі і пачастункамі вялі гутарку пра ролю бібліятэк у сучасным грамадстве, пра асалоду, якую дораць кнігі. Нішто не заменіць шамаценне кніжных старонак, і ў бібліятэкі роўныя з інтэрнэтам правы на будучыню, заўважыла бібліятэкар Вольга Федуковіч.


У СВЯТОЧНЫ ДЗЕНЬ супрацоўнікі кніжнага храма атрымлівалі падарункі і самі падрыхтавалі сюрпрызы для гасцей. Дзень бібліятэк супаў з днём нараджэння чытачоў Марыі Іванаўны Шчаснай і Ларысы Рыгораўны Барок. У абедзвюх сёлета юбілеі. Прымалі віншаванні ад бібліятэкі, сяброў з клуба “Бажэна”. Павіншавала імянінніц залаты дырэктар кампаніі “Oriflame” Ірына Сінкевіч. У мінулым яна таксама бібліятэкар. Заўважае, што тут асаблівая атмасфера і кожнага сустракаюць з усмешкай.


ДОБРАЯ кніга вабіць цікавым сюжэтам, мудрымі заўвагамі. А яшчэ ў класікаў і сучаснікаў можна знайсці практычныя парады. Напрыклад, папоўніць калекцыю кулінарных сакрэтаў. Па рэцэпце з кнігі расійскай пісьменніцы Кацярыны Вільмонт “Дети галактики, или Чепуха на постном масле” прыгатавала пірог з капустай чытачка Ніна Ігошына. Атрымалася прыгожа на выгляд і прыемна на смак. Бібліятэкары падзяліліся рэцэптамі яблычных пірагоў, якімі любілі частавацца Аляксандр Пушкін, Марына Цвятаева, Астрыд Ліндгрэн.


Сустрэчу запоўнілі віншаванні і песні, конкурсы і віктарыны з прызамі. У бібліятэцы не бывае сумна. Ні ў святы, ні ў будні.

Любімы пірог Астрыд Ліндгрэн

Спатрэбіцца:
2 яблыкі,
400 г мукі,
150 г + 2 ч.л. цукру,
200 г малака,
100 г сметанковага масла,
2 яйкі,
1 ч.л. разрыхляльніку,
0,5 ч.л. карыцы.
Гатуем.
Мяккае сметанковае масла ўзбіць з цукрам і яйкамі.
Дабавіць малако і змешаную з разрыхляльнікам муку. Перамяшаць.
Цеста выліць у форму.
Зверху пакласці яблычныя долькі, пасыпаць цукрам і карыцай.
Выпякаць 40-60 хвілін пры тэмпературы 180 градусаў. Падаваць з цёплым ці халодным ванільным соусам.
Для ванільнага соусу:
2 шклянкі малака,
па 0,25 шклянкі мукі і цукру,
1 ст.л. сметанковага масла,
ванілін на смак,
дробка солі.
Змяшаць у каструлі муку, соль, цукар і малако. Памешваючы, давесці да кіпення.
Варыць масу да загусцення. Пастаянна памешваць.
У канцы дабавіць сметанковае масла і ванілін.

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 96 378
  • 0

Інвестыцыйны форум

  • 23 сентябрь 2011, 10:05
  • 77 142
  • 1

Злавілі рыбку, ды… залатую

  • 28 февраль 2011, 16:16
  • 48 827
  • 0

Пераброддзе 2012. Погляд вучонага

  • 31 август 2012, 15:19
  • 39 352
  • 0

  • 11 февраль 2011, 11:20
  • 38 094
  • 0

Кандыдатамі жадаюць стаць

  • 21 август 2012, 15:30
  • 35 232
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 24 204
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 26 апреля 2019
Георгий, Дмитрий, Марфа

Именины 25 апреля 2019
Василий, Давид, Иван, Сергей, Мария, Марфа

Госці краін
free counters
Партнеры сайта