Авторизация
 

У Міёрах адправілі на заслужаны адпачынак начальніка аддзялення ДАІ

 У Міёрскім РАУС праводзілі на заслужаны адпачынак начальніка аддзялення ДАІ Мікалая ШАМЁНКА. З пачаткам новай старонкі ў біяграфіі віншавалі калегі з аддзела, вобласці і сталіцы.

Роўна дваццаць чатыры гады аддаў Мікалай Мікалаевіч міліцыі. І большую частку — службе ў ДАІ.

Да службовых абавязкаў інспектара ДПС у аддзяленні ДАІ Міёрскага раённага аддзела ўнутраных спраў Мікалай Шамёнак прыступіў у жніўні 1994 года. За плячыма—вучоба ў чыгуначным тэхнікуме, служба ў арміі. Замест чыгункі вырашыў застацца на звычайнай дарозе.


— Праз год перавёўся ў аператыўна-дзяжурную службу РАУС. Тры гады быў памочнікам дзяжурнага. Але пасля зноў вярнуўся ў ДАІ. На гэты раз на дваццаць год, — расказвае Мікалай Мікалаевіч.


У 2006 годзе яго прызначылі начальнікам аддзялення ДАІ Міёрскага РАУС.


Пра тое, што нёс службу сумленна і адказна, выратаваў не адно чалавечае жыццё, гаварылі калега з абласнога ўпраўлення Дзмітрый Мальчэўскі і прадстаўнік ДАІ МУС Юрый Гнядзько. На развітанне ўручылі пасведчанне пазаштатнага супрацоўніка ДАІ і медаль “80 год на варце дарог”. Ад імя асабовага саставу Міёрскага РАУС з выхадам на заслужаны адпачынак павіншаваў начальнік аддзела Васіль Балад, выказаў словы ўдзячнасці за добрасумленную службу.


Дзень 24 жніўня стаў апошнім у міліцэйскай біяграфіі Мікалая Шамёнка. У планах былога начальніка аддзялення ДАІ працягваць прафесійную дзейнасць. Толькі ў іншай сферы.

Кацярына РЫНКЕВІЧ.

Фота Казіміра БЛАЖЭВІЧА.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 17 мая 2021
Иван, Исаакий, Кирилл, Климент, Леонтий, Никита, Николай, Мария, Пелагея

Именины 16 мая 2021
Викентий, Николай, Павел, Петр, Тимофей, Ульяна

Госці краін

free counters
Партнеры сайта