Авторизация
 

ДАІ інфармуе
З 23 мая па 10 чэрвеня праводзіцца спецыяльнае комплекснае мерапрыемства “Увага — дзеці!” Мэта — папярэджанне траўматызму і смяротнасці ў выніку дарожна-транспартных здарэнняў.
Практычна кожны месяц на дарогах Віцебшчыны пяцёра дзяцей атрымліваюць траўмы. Адна з прычын — нізкая культура паводзін. Другая — забавы, няўвага, незахаванне правілаў руху. Гэта тыя выпадкі, калі дзеці самавольна або з маўклівай згоды дарослых садзяцца за руль матацыкла, скутэра, а то і аўтамабіля, не маючы ні правоў, ні навыкаў ваджэння.

Галоўную ролю ў прывіцці навыкаў паводзін на вуліцах і дарогах павінна адыграць сям’я. Менавіта бацькі, якія знаходзяцца побач, здольны выпрацаваць у дзіцяці звычку правільна дзейнічаць пры пераходзе дарогі, пры паездцы на аўтамабілі, у грамадскім транспарце і інш. Станоўчы прыклад маці і таты лепш за мноства слоў. Канешне, важная роля адведзена школе. Педагогі павінны падтрымліваць у дзіцячым калектыве атмасферу разумення і няўхільнага выканання правілаў дарожнага руху. Цеснае супрацоўніцтва настаўнікаў і работнікаў міліцыі — гарантыя станоўчага выніку.
На жаль, ёсць выпадкі, калі бацькі зусім не праяўляюць клопатаў аб дзецях, знаходзяць аддушыну ў п’янстве і тым самым паказваюць негатыўны прыклад паводзін. А цяпер падумайце: як можна быць спакойным за дзіцяці з такой сям’і?
Звярну ўвагу яшчэ на адну прычыну траўматызму дзяцей — бестурботнасць, ліхацтва, п’янства вадзіцеляў. У такіх выпадках любое суровае пакаранне не кампенсуе жыцця і здароўя хлопчыка ці дзяўчынкі, трапіўшых у аварыю.
Паважаныя вадзіцелі! Калі вы бачыце на вуліцы дзяцей, адносьцеся да іх як да аб’екта павышанай увагі, едзьце асцярожна і карэктна. Памятайце, што ў падлеткаў яшчэ няма навыкаў, вопыту паводзін на вуліцы, і ў складанай абстаноўцы яны могуць разгубіцца, памыліцца.
А. КАПУСЦІН,
старшы
дзяржаўтаінспектар.
рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 27 января 2021
Адам, Андрей, Аристарх, Вениамин, Давид, Иван, Илья, Иосиф, Макар, Марк, Моисей, Павел, Сергей, Степан, Агния, Нина

Именины 26 января 2021
Максим, Петр, Марфа, Афанасий, Яков

Госці краін

free counters
Партнеры сайта