Авторизация
 

У Міёрах ушанавалі памяць адмірала-падводніка Ягора Томкі

 Трэцяга жніўня ля мемарыяльнай дошкі, прысвечанай славутаму земляку, Герою Савецкага Саюза адміралу-падводніку Ягору Томку, збіраюцца вучні школы, якая носіць яго імя, жыхары аднайменнай вуліцы Міёр, прадстаўнікі грамадскасці райцэнтра, людзі, што ведалі і памятаюць камандзіра субмарыны, выхавальніка новай змены для флоту і проста чалавека. 

 Герою споўнілася б 83. Але нялёгкая служба, вялікая адказнасць, суровыя выпрабаванні адмерылі значна менш. Імя Ягора Андрэевіча назаўсёды звязана з першым пераходам атамных падводных лодак пад ільдамі Арктыкі з Атлантычнага ў Ціхі акіян. У непрагляднай цемры, па неабследаваным маршруце, бо раней у гэтым не было патрэбы, амаль без надзеі на выратаванне пры непрадбачанай сітуацыі. Вось у такіх умовах ураджэнец вёскі Лявонаўцы на Міёршчыне, надта далёкай ад мора, змог правесці падводны карабель і выканаць заданне без страт тэхнікі і асабовага саставу экіпажа. Пра гэта на мітынгу, прысвечаным дню нараджэння Героя, гаварыў раённы ваенны камісар Сяргей Жабёнак.


 Для сястры Ягора Томкі Ноны Андрэеўны памятнай стала нядаўняя паездка ў Мінск, дзе адбылася прэзентацыя выпуску серыі  паштовых марак, прысвечаных беларускім адміралам, у тым ліку яе брату. Яна падзякавала школьнікам і жыхарам райцэнтра за памяць. Асаблівая ўдзячнасць ветэрану працы, нядаўняму кіраўніку СШ №3 Валянціне Генадзьеўне Атрошка, якая пастаянна наведвае скверык з мемарыяльнай дошкай, клапоціцца пра навакольны парадак і чысціню. Пры неабходнасці кліча ў дапамогу вучняў і дарослых.


Мітынг закончыўся невялікім літаратурным мантажом з вершаў мясцовых аўтараў пра подзвіг героя-падводніка. Яго падрыхтавалі вучаніцы СШ №2. 

Фота аўтара.

Леанід МАТЭЛЕНАК.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 17 мая 2021
Иван, Исаакий, Кирилл, Климент, Леонтий, Никита, Николай, Мария, Пелагея

Именины 16 мая 2021
Викентий, Николай, Павел, Петр, Тимофей, Ульяна

Госці краін

free counters
Партнеры сайта