Авторизация
 

Ля Міёрскага РГЗ з кожным годам усё прыгажэй

 Калі праязджаеш ля адміністрацыйнага будынка Міёрскага раёна газазабеспячэння, мімаволі любуешся добраўпарадкаванай тэрыторыяй. Прыгажосць вабіць. У гарадскім пейзажы ёсць яркія штрыхі. Адзін з самых адметных — Міёрскі РГЗ. З вясны да восені на тэрыторыі прадпрыемства сакавітая зеляніна і квецень, зімой — пазітыўная ілюмінацыя. Штогод з’яўляюцца новыя дэталі.

 ПА двары Міёрскага РГЗ прагульваемся з кантралёрам па ўліку газу Жаннай Голуб. Гэта з яе ідэй і эскізаў тут з’яўляюцца новыя клумбы, кустарнікі, дэкаратыўныя фігуры.


— У мяне мастацкая адукацыя. Скончыла Бабруйскае мастацкае вучылішча, затым мастацка-графічны факультэт Віцебскага ўніверсітэта, — расказвае субяседніца.— Калі шаснаццаць год таму прыйшла працаваць у газавую службу, прапанавалі разам з асноўнымі абавязкамі курыраваць добраўпарадкаванне.


 Разбілі газоны і клумбы, пасадзілі кветкі, туі і яблыневы сад. Як заўважае Жанна Здзіславаўна, яе памочнікі — увесь калектыў. У каго ёсць час, той і дапамагае. Бывае, у абедзенны перапынак ці пасля працоўнага дня выходзяць на тэрыторыю навесці парадак: падстрыгчы кустарнікі, прапалоць клумбы, падкарміць расліны.


 КОЖНЫ год Міёрскі РГЗ выглядае па-рознаму. Мінулай зімой з’явіліся незвычайныя ліхтары. Па эскізах Жанны Здзіславаўны іх зрабілі зваршчыкі прадпрыемства. З вясны пульсіруе невялікі фантан. Новае аздабленне ў цэнтральнай клумбы — барвовая агароджа ў выглядзе цаглянай кладкі. Такім чынам сёлета плануюць “апрануць” яшчэ адну клумбу.


 — Наш адміністрацыйны будынак афарбаваны ў белы і барвовы колеры. Так цяпер выглядае большасць структурных падраздзяленняў аблгазу. Таму прылеглую тэрыторыю аформім у адзіным стылі, — дзеліцца творчымі планамі Жанна Голуб. — Стракатасць выйшла з моды. Аддаём перавагу спакойным і аднатонным колерам. Выбіраючы кветкі для клумб, улічваем перыяд іх красавання. Каб па чарзе змянялі адна адну з вясны да восені.


   Цяпер квітнеюць барвовыя петуніі, вабіць пышная ружа, распускаюцца фіялетавыя кветачкі хосты. Саджанцы закупаюць, прыносяць з дому, часам міярчане і жыхары райцэнтра прапаноўваюць свае расліны ў якасці падарунка. Нярэдка газавікі назіраюць, як ля іх клумб ладзяць фотасесіі.


У СІСТЭМЕ аблгазу тры разы на год праходзіць конкурс па добраўпарадкаванні: зімой, вясной і летам. Міёрскі РГЗ штораз атрымлівае высокія ацэнкі. Сёлета ў вясеннім спаборніцтве занялі трэцяе месца. Напрыканцы ліпеня зноў чакаюць камісію і ўжо ведаюць, чым будуць здзіўляць. На тэрыторыі ў цэлы гектар ёсць дзе разгарнуцца творчай фантазіі. 

Кацярына РЫНКЕВІЧ.

Фота Казіміра БЛАЖЭВІЧА.

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
Группа «Миорские новости»
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 85 641
  • 0

Інвестыцыйны форум

  • 23 сентябрь 2011, 10:05
  • 56 846
  • 1

Пераброддзе 2012. Погляд вучонага

  • 31 август 2012, 15:19
  • 25 144
  • 0

Кандыдатамі жадаюць стаць

  • 21 август 2012, 15:30
  • 24 529
  • 0

  • 11 февраль 2011, 11:20
  • 23 997
  • 0

Злавілі рыбку, ды… залатую

  • 28 февраль 2011, 16:16
  • 21 140
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 13 578
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 21 июля 2018
Александр, Дмитрий, Николай, Федор

Именины 20 июля 2018
Герман, Лукьян, Павел, Сергей, Евдокия

Госці краін
free counters
Партнеры сайта