Авторизация
 

Парадак на Міёршчыне павінен запанаваць паўсюль

 Толькі агульныя пастаянныя намаганні служб, суб’ектаў гаспадарання і насельніцтва могуць прынесці жадаемы вынік у справе навядзення парадку на зямлі. Аднак узаемадзейнічаць такім чынам у нас яшчэ не навучыліся. Нават у райцэнтры далёка не кожны куточак можна назваць аазісам утульнасці і прыгажосці. 

На чарговым пасяджэнні штаба па добраўпарадкаванні атрымалі папрокі за пасіўнасць і безгаспадарлівасць. Старшыня райвыканкама Ігар Кузняцоў запатрабаваў да 1 ліпеня паўсюль навесці бляск. Каб, як і раней, госці райцэнтра адзінадушна адзначалі яго чысціню.

У рэйды па розных вуліцах і аб’ектах райцэнтра створаныя пры райвыканкаме рабочыя групы скіроўваюцца рэгулярна. Праблемныя месцы заўсёды фіксуюць на фотаздымках. На пасяджэнні штаба, якое адбылося ў мінулую пятніцу, чарговую серыю слайдаў каменціраваў намеснік начальніка аддзела архітэктуры і будаўніцтва, жыллёва-камунальнай гаспадаркі Георгій Бушуноў.


Вялікія прэтэнзіі гучалі да ўтрымання агародж па вуліцы Кірава. Устаноўлены яны некалі за дзяржаўныя грошы сіламі жыллёва-камунальнай гаспадаркі. Ні для каго не сакрэт, што тэрмін службы драўляных канструкцый кароткі. Асабліва, калі пра іх не клапаціцца. Хто павінен гэта рабіць? Нехта. А дзе гаспадарчы падыход саміх жыхароў дамоў, ля якіх устаноўлена агароджа? Прыгожа некалі было, і вуліца інакш выглядала. Цяпер драўляныя шчыты аблезлыя, месцамі паваленыя, у траве. Дзіўна, што такая карціна самім вочы не муліць, не сорамна і перад гасцямі, якія наведваюцца ў райцэнтр з боку Браслава.


Відаць, надта моцна закралася ў душах знакамітае “не маё — не шкада”. Калі б гэтыя агароджы за свае грошы ставілі, такога раўнадушша не было. Стараліся б раўняць, фарбаваць і падмайстроўваць. Аднак больш такога не дапусцяць. Наводзіць парадак давядзецца. Прычым усім. Па даручэнні старшыні райвыканкама пасля 1 ліпеня жыллёва-камунальная гаспадарка пачне дэманціраваць усе агароджы ў райцэнтры, якія ля сваіх дамоў не пафарбавалі і не адрамантавалі гаспадары.


 Тэрыторыю дзіцячага садка №3 таксама не ўпрыгожвае драўляная канструкцыя з прыкметамі даўніны. За ўстановай акупіраваў зямлю баршчэўнік, ад якога загадчыца просіць паратунку. Дарэчы, і ўваход на тэрыторыю садка №1 таксама патрабуе акультурвання. Аблезлая веснічка, са слоў Георгія Бушунова, як бяльмо на воку. Заўвага ў бок гаспадарчай группы аддзела адукацыі, якая не сочыць за парадкам на сваіх аб’ектах.


Даўно выгарэла фарба на парэнчах усіх мастоў у райцэнтры, ЖКГ давядзецца яе асвяжыць. Аб’екты гандлю таксама маюць вострую патрэбу ў парадку. Акультурыць давядзецца тэрыторыю, якая належыць кафэ “Маладзёжнае”. Ля “Роднага кута” па вуліцы Кірава ніводнай кветачкі, “Плёс” зарастае пустазеллем.


Працяг вуліцы Лермантава ў працэсе будаўніцтва. Але тут ужо з’явіліся прыкметы безгаспадарлівасці: буяе быльнёг і кустоўе. Праблемнай застаецца зона разгрузкі і загрузкі лесаматэрыялаў на чыгунцы, дзе ніколі няма парадку. Не ўпрыгожваюць недагледжаныя пустыя дамы па вуліцах Лермантава, Крупскай, завулку Вакзальным, безгаспадарчая хатка па Юбілейнай.


Па вечарах у добрае надвор’е людзі любяць прагуляцца па набярэжнай, атрымаць асалоду ад прахалоды возера, палюбавацца маляўнічым гарызонтам, пабыць у адзіноце ля скульптуры Маці Божай. Тут можна бачыць і рыбакоў. Праўда, нярэдка з півам ці іншымі “гарачымі” напоямі. Пасля бутэлькі, цыгарэтныя пачкі застаюцца пад нагамі або плаваюць у вадзе. Да таго ж паблізу разрастаецца чарот. Усё гэта адлюстроўвае ўзровень нашых экаэтычных каштоўнасцей, звярнулі ўвагу ўдзельнікі штаба.


На плошчы Памяці загінуўшых барацьбітоў заўсёды прыгожа. Але ж ёсць у горадзе месцы, дзе раней высаджвалі кветкі, а цяпер расце трава. Закончыліся дызайнерскія ідэі? Аргументаў і апраўданняў шмат, але такога не павінна быць, заўважыла старшыня райсавета дэпутатаў Марыя Баніфатава.


Галоўны ўрач РЦГЭ Галіна Федуковіч дзякавала жыллёва-камунальнай гаспадарцы за добраўпарадкаванне зоны адпачынку на возеры Асінаўка. Так жа павінна быць у Пераброддзі. Гэта абавязак арандатара, а з ім пакуль не ўдалося выйсці на кантакт. Вялікія прэтэнзіі да садаводчага таварыства “Вяснянка”, на тэрыторыі якога раскінулася пустазелле.


Начальнік раённай інспекцыі прыродных рэсурсаў і аховы навакольнага асяроддзя Іван Рунда заклікаў да ўзмоцненай барацьбы з баршчэўнікам на падведамных тэрыторыях.


Да 1 ліпеня даручана распрацаваць праграму размяшчэння кантэйнерных пляцовак у прыватным сектары райцэнтра. Такая неабходнасць ёсць, нават прытым, што ў горадзе арганізаваны збор смецця. Плануецца пабудаваць выратавальную станцыю, прывесці ў належны выгляд парк, устанавіць скульптуру “Дзеці міру — дзецям вайны”, абсталяваць дызайнерскі фантан. Планаў безліч, у падспор’е ім — кожны са сваімі стараннямі і прапановамі. Як адзначыў старшыня райвыканкама Ігар Кузняцоў, усе павінны не проста абяцаць, а выконваць, каб у родным горадзе, вёсцы стала прыгажэй і ўтульней. 

Здымкі зроблены на вуліцы Кірава ў Міёрах.

Фотаматэрыял Казіміра БЛАЖЭВІЧА.

Наталія СТАНКЕВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 8 мая 2021
Василий, Марк, Сергей

Именины 7 мая 2021
Алексей, Валентин, Иннокентий, Иосиф, Леонтий, Николай, Сергей, Елизавета

Госці краін

free counters
Партнеры сайта