Авторизация
 

Дзісненскі клуб "Залаты ўзрост" з экскурсіяй наведаў Полацк

 Удзельнікі дзісенскага клуба “Залаты ўзрост” пры тэрытарыяльным цэнтры сацыяльнага абслугоўвання насельніцтва любяць падарожнічаць. Нядаўна наведалі Полацк. 

Ёсць мясціны, дзе хочацца пабываць не раз і не два. Сваёй невытлумачальнай энергетыкай яны вабяць да сябе зноў і зноў. У гэтым упэўніліся дзісенцы падчас экскурсій у Спаса-Ефрасінеўскі манастыр і Сафійскі сабор.

ВЕЛІЧ манастыра ўражвае. Мноства кветак і зеляніны, парадак і дагледжанасць. Дзівосныя фрэскі ў Спаскім храме. Большасць з іх адрэстаўравана. Штодня гучаць малітвы ля мошчаў Прападобнай Ефрасінні ў Крыжа-Узвіжанскім храме. Сотні вернікаў звяртаюцца да святой за падтрымкай і спакоем. Жыццё Ефрасінні Полацкай — прыклад дабрыні, любові да Бога і да людзей, самаадказнага подзвігу, духоўнага ўдасканалення.


— У манастыры адчуваеш сябе нібы ў іншым свеце, — дзеліцца ўражаннямі валанцёр клуба Таццяна Бандарэвіч. — Задумваешся пра хуткаплыннасць жыцця. Гэта толькі імгненне ў Сусвеце і часе. У душу прыходзіць благадаць. Мітусня застаецца за рысай.


ЗА адну паездку не паспееш спазнаць усе скарбы старажытнага Полацка. Таму неўзабаве накіраваліся зноў. На гэты раз на канцэрт арганнай музыкі ў Сафійскі сабор. Велічныя гукі і непаўторная атмасфера пакінулі моцнае ўражанне.
У далейшых планах клуба — наведаць музей Язэпа Драздовіча ў Германавічах, храмы ў Мосары і Будславе.


Алена ІЛЬІЧОВА,

кіраўнік клуба “Залаты ўзрост”.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 17 апреля 2021
Адриан, Вениамин, Георгий, Иван, Иосиф, Никита, Николай, Федор, Мария

Именины 16 апреля 2021
Никита

Госці краін

free counters
Партнеры сайта