Авторизация
 

У Віцебскім філіяле РУП “Белпошта”

 Супрацоўнік пошты не проста абслугоўвае кліентаў. Праводзіць плацяжы, прапануе тавары, афармляе падпіску. Ён яшчэ псіхолаг і добры суразмоўца. Некаторыя прыходзяць, каб пагутарыць і даведацца апошнія навіны. Напрыканцы мая ў Віцебскім філіяле РУП “Белпошта” спаборнічалі паштавікі. Вызначалі, хто прафесіянал сваёй справы. Гонар Міёршчыны абаранялі Таццяна ГІЛЕП і Вольга ПЯЦЬКО — начальнікі Дзісенскага і Мікалаёўскага аддзяленняў сувязі. Паўдзельнічаў у конкурсе 21 паштавік, нашы зямлячкі — у сярэдзіне.

Спецыялісты дэманстравалі сваё майстэрства ў трох турах. Візітоўка “Дзе нарадзіўся, там і згадзіўся” прысвячалася Году малой радзімы. Зямлячкі традыцыйна прадстаўлялі сваю каманду вершаванымі радкамі на беларускай мове. Адзначаны дыпломам за захаванне народных традыцый.


 Дамашняе заданне — камандная прэзентацыя на тэму “Ідэальная паштовая паслуга”. Таццяна Антонаўна і Вольга Анатольеўна разыгралі жартоўную сцэнку па Мах-дастаўцы. Гэта калі хутка перавозяць грузы звыш 30 кілаграм на вялікія адлегласці. Між тым распавялі пра тое, як аператыўна дастаўлялі дзяўчыну на мерапрыемства. У падрыхтоўцы дамашняга задання штогод дапамагае таленавітая паэтэса Алена Басікірская. За што ёй удзячныя кіраўніцтва раённага вузла паштовай сувязі і самі канкурсанткі.


У апошнім туры прэзентавалі малыя архітэктурныя формы, якія можна размясціць ля буйных аддзяленняў паштовай сувязі. Фантазія ўдзельнікаў неабмежаваная! Паказалі, чым можна ўпрыгожыць тэрыторыю, прычым вырабленае з падручных матэрыялаў, без вялікіх грашовых укладанняў. Было ўсё: і фігуры з пенапласту, і фатаграфіі праектаў, і падстаўкі пад кветкі. Кожны знайшоў для сябе штосьці цікавае.


Вольга Пяцько — малады спецыяліст, амаль год працуе ў Мікалаёўскім аддзяленні сувязі. У спаборніцтве такога ўзроўню ўдзельнічала ўпершыню. Прызнаецца, спачатку хвалявалася, потым цікавасць перамагла. На практычным заданні афармляла страхоўку, прымала адпраўленне. Плануе і ў наступным паспытаць шчасце ў прафесійным конкурсе. Пакуль — актыўная падрыхтоўка і адшліфоўка асабістага майстэрства.


 Таццяна Гілеп у паштовай справе можа даць фору любому. Больш за 20 год прысвяціла любімай рабоце. У конкурсе ўдзельнічала ў чацвёрты раз, настроілася і маральна, і духоўна. Падтрымлівала і падбадзёрвала маладую калегу. На практычным этапе паспяхова застрахавала машыну, аформіла пасылку, адсачыла аплату грашовых пераводаў і афармленняў, пракаменціравала перавагі новай паслугі “E-commerce”. Яшчэ разам з калегай спявала, адказвала на пытанні, атрымлівала падарункі, фатаграфавалася.


— З мерапрыемства вярнуліся са значным “багажом”, — гаворыць Таццяна Антонаўна. — Даведаліся шмат новага, падзяліліся вопытам. Сустрэлі сяброў, завязалі прыемныя знаёмствы. 

Фотаматэрыял Казіміра БЛАЖЭВІЧА.

Алена ВАРОНІНА.

рейтинг: 
Пакінуць каментар
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 96 376
  • 0

Інвестыцыйны форум

  • 23 сентябрь 2011, 10:05
  • 77 128
  • 1

Злавілі рыбку, ды… залатую

  • 28 февраль 2011, 16:16
  • 48 779
  • 0

Пераброддзе 2012. Погляд вучонага

  • 31 август 2012, 15:19
  • 39 344
  • 0

  • 11 февраль 2011, 11:20
  • 38 085
  • 0

Кандыдатамі жадаюць стаць

  • 21 август 2012, 15:30
  • 35 229
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 24 201
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 25 апреля 2019
Василий, Давид, Иван, Сергей, Мария, Марфа

Именины 24 апреля 2019
Ефим, Иван, Николай, Петр, Прохор, Яков

Госці краін
free counters
Партнеры сайта