Авторизация
 

“Ельня”, “Гаёўка”, “Важа” і “Дубы” — пункты адпачынку ля дарог Міёршчыны

 Спёка стамляе вадзіцеляў і іх спадарожнікаў. Пускацца ў далёкі шлях у такіх умовах наогул не рэкамендуецца. Калі ж ехаць абавязкова, лепш спыняцца адпачываць. Сапраўдным паратункам становяцца кемпінгі і месцы адпачынку. А многія мэтанакіравана едуць за горад, каб пасмажыць шашлыкі, пагуляць з дзецьмі, расслабіцца, падыхаць свежым паветрам. 

На Міёршчыне іх чатыры: “Ельня”, “Гаёўка”, “Важа” і “Дубы”. Знаходзяцца на балансе Дзісенскага лясгаса. Яго супрацоўнікі падтрымліваюць у парадку пляцоўкі, рамантуюць і ўзводзяць альтанкі. Карацей кажучы, ствараюць зручныя і камфортныя ўмовы для адпачынку.


Знеслі альтанку на месцы адпачынку “Ельня” на трасе “Міёры-Полацк” ля паварота на Узмёны. Побач прыгожы і, запэўніваюць аматары лоўлі, рыбны вадаём. Прывабліваюць маляўнічыя мясціны і кіроўцаў, якія спыняюцца, каб перавесці дух і перакусіць. Многія занепакоіліся: куды падзелася альтанка? Аднак праз некаторы час з’явілася іншая пабудова. Засталося толькі паставіць мэблю. Галоўны ляснічы Дзяніс Леановіч паведамляе:


— На гэтым абнаўленне не заканчваецца. Плануем абсталяваць невялікую дзіцячую пляцоўку. Змайструем арэлі і пясочніцу.
Касметычнага рамонту чакаюць “Гаёўка” ля мяжы з Полацкім раёнам і “Важа” ў Пераброддзі. Побач з апошняй летась зрабілі веласіпедную стаянку.


 Пачысцела, пасвяжэла і ў “Дубах”. Работнікі лясгаса падфарбавалі альтанкі, паставілі новыя лавачкі, адрамантавалі дэкаратыўны масток, ля якога ўсе любяць фатаграфавацца. Прыемна і ўтульна. Аднак так мяркуюць не ўсе: паступова малыя архітэктурныя формы прыходзяць у непрыдатнасць, збіраецца смецце. Не без удзелу адпачывальнікаў, уздыхае Дзяніс Сцяпанавіч. Кажа, што пасля зімы бывае нават страшна наведваць кемпінгі. Загадзя ўяўляеш сабе маштабы магчымых разбурэнняў. Несумленныя наведвальнікі пакідаюць пасля сябе след. І для супрацоўнікаў лясгаса ўсё пачынаецца спачатку.


Прыгадваецца сітуацыя з дзіцячага садка. Малышы раскідваюць, ламаюць, пэцкаюць рэчы. А клапатлівыя нянечкі ходзяць следам і прыбіраюць, рамантуюць, выціраюць. Прыемна быць неразумным дзіцяткам? Магчыма, аднак ці надоўга хопіць цярпення ў работнікаў лясгасаў? Нядзіўна, калі пры такіх адносінах месцы адпачынку адыдуць у нябыт.


Калі ласка, паважайце чужую працу! Няцяжка прыбраць пасля сябе смецце і кінуць яго ў кантэйнер. Месцы адпачынку павінны радаваць вока, а не выклікаць гідлівасць. Тым больш, што стараюцца менавіта для вас…

Фота аўтара.

Алена ВАРОНІНА.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 625
  • 0

Злавілі рыбку, ды… залатую

  • 28 февраль 2011, 16:16
  • 94 909
  • 0

Інвестыцыйны форум

  • 23 сентябрь 2011, 10:05
  • 90 671
  • 1

  • 11 февраль 2011, 11:20
  • 43 642
  • 0

Пераброддзе 2012. Погляд вучонага

  • 31 август 2012, 15:19
  • 42 721
  • 0

Кандыдатамі жадаюць стаць

  • 21 август 2012, 15:30
  • 36 764
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 922
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 5 декабря 2020
Алексей, Архип, Борис, Василий, Владимир, Герасим, Иван, Илья, Максим, Марк, Михаил, Павел, Петр, Фаддей, Федор, Прасковья, Афанасий, Яков

Именины 4 декабря 2020


Госці краін

free counters
Партнеры сайта