Авторизация
 

Жыхары Мілашова маглі застацца без вады...

 На будаўнічай пляцоўцы металапракатнага завода з пацяпленнем пашыраецца фронт работ. Чакаецца, што колькасць работнікаў падвоіцца. Дзе размясціць дадатковую сотню спецыялістаў, якія прыязджаюць працаваць у Міёры вахтавым метадам?

Пераабсталяваць пад інтэрнат вырашана будынак былой Мілашоўскай школы. Адна са сталічных падрадных арганізацый заключыла дагавор арэнды з гаспадаром памяшканняў — аддзелам адукацыі, спорту і турызму райвыканкама. Цяпер пачынае іх пераабсталёўваць для новага выкарыстання. У прыватнасці, намячалася для мясцовай каналізацыі закапаць металічную ёмістасць, побач з будынкам устанавіць біятуалеты.


Такія новаўвядзенні не адобрылі мясцовыя жыхары. Іх меркаванні агучыў у РЦГЭ і іншых раённых установах, у тым ліку патэлефанаваў у рэдакцыю Пётр Шук, сядзіба якога праз агароджу з участкам былой школы.

Сутнасць пярэчанняў наступная: па-першае, біятуалеты і каналізацыйны адстойнік — аб’екты спецыфічныя, першапачаткова планавалася размясціць іх у непасрэднай блізкасці ад жылля. Па-другое, пры правядзенні работ механічным спосабам можна пашкодзіць водаправод, што праходзіць побач, а тады без вады застануцца не толькі ў Мілашове, але і ў майстэрнях, іншых будынках ВУПКУ “Міёрскі”.


 19 красавіка ў Мілашова выехалі галоўны санітарны ўрач РЦГЭ Галіна Федуковіч, начальнік гаспадарчай групы аддзела адукацыі, спорту і турызму Аляксандр Рыжанкоў і аўтар гэтых радкоў. Пасля перамоў з будаўнікамі вырашана размясціць адстойнік каналізацыі далей ад жылля — на супрацьлеглым баку памяшкання школы, хаця для гэтага давядзецца перарэзаць асфальтавую дарожку, далей, з захаваннем санітарных норм, аднесці біятуалеты.


Патрабуе вывучэння яшчэ адно пытанне. У водаправоднай сетцы вёскі Мілашова, якая належыць ВУПКУ “Міёрскі”, нізкі ціск. Са з’яўленнем новага спажыўца ёсць рызыка зменшыць яго яшчэ больш. Будаўнікі супакойваюць: жыхары будучага інтэрната працуюць вахтавым метадам, ад’язджаюць на сем гадзін раніцы і вяртаюцца пасля 21.00. На водаспажыванне мясцовых вяскоўцаў амаль цэлы дзень ніякага ўплыву не будзе. 

Фота з архіва Вольгі ВІШНЕЎСКАЙ.

Леанід МАТЭЛЕНАК. 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 6 мая 2021
Анатолий, Валерий, Георгий, Иван, Александра, Валерия, Афанасий

Именины 5 мая 2021
Виталий, Всеволод, Гавриил, Дмитрий, Климент, Платон, Федор

Госці краін

free counters
Партнеры сайта