Авторизация
 

За што Норберт Чапулёнак занесены на раённую Дошку гонару?

 Норберт Чапулёнак працуе на камбікормавым заводзе машыністам кацельні. Стаў ім у мінулым годзе пасля спецыяльнай вучобы ў Паставах. Лічыць, што займаецца не надта складанай, хаця і адказнай справай: на працягу 12-гадзіннай змены забяспечвае цяплом адміністрацыйны будынак, памяшканні млына і магазіна, ведамаснае жыллё паблізу. Вядома, стараецца, збояў  не дапускае.  Але ці дастаткова гэтага, каб партрэт занеслі на раённую Дошку гонару?

— Лічу, што адзначаны перш за ўсё мае мінулыя вадзіцельскія заслугі, — сціпла заўважае Норберт Нікадзімавіч.


Правы шафёра атрымаў, калі яшчэ вучыўся ў СШ №1. Трывалую практыку набыў падчас службы ў войску вадзіцелем аўтатранспартнага падраздзялення на тэрыторыі Польшчы. Давялося паездзіць па стэпавых прасторах цаліны. Калі вярнуўся ў родныя Міёры, уладкаваўся ў міжгаспадарчае аб’яднанне, якое тады забяспечвала асемяненне буйной рагатай жывёлы ў раёне. Зноў пастаянна за рулём, штодзень у паездках ад фермы да фермы па розных маршрутах у любую пару года. Пазней гэтую справу разам з работнікамі, што ёй займаліся, перадалі раённай племянной станцыі.


Дакладна называе дату — 2 верасня 2006-га, калі стаў вадзіцелем камбікормавага завода. Шчыра прызнаецца: спакусіла магчымасць большага заробку. Гэта зразумела, бо ў сям’і двое дзяцей. Тады атрымаў грузавы аўтамабіль ЗІЛ-130 з падоўжаным кузавам для перавозкі зерня. Якраз заканчвалася жніво, адразу ўключыўся ў інтэнсіўныя перавозкі ўраджаю. Спраў хапала не толькі летам, але і зімой. Тады да збожжа дадавалася транспарціроўка камбікармоў па гаспадарках свайго і суседніх раёнаў — Верхнядзвінскага, Шаркаўшчынскага, Браслаўскага, Пастаўскага і іншых. Нярэдкімі былі рэйсы ў Віцебск, Мінск.


Калі аб’ёмы зернева-камбікормавых перавозак паменшыліся, памяняў сферу дзейнасці і машыну. На ГАЗ-53 развозіў прадукты харчавання і той жа камбікорм па вёсках для продажу насельніцтву, па выхадных гандляваў імі на рынках. Справа не такая лёгкая, як здаецца: трэба загрузіцца важкімі мяшкамі, самому руліць і грошы лічыць. Да ўсяго адносіўся старанна і адказна.


Шмат гадоў Норберт Чапулёнак працаваў на аўтарытэт, цяпер ён працуе на яго. Калі сядзець за рулём не ўваходзіць у службовыя абавязкі, выконвае “дзядулева” даручэнне: на ўласным “Рэно” возіць на заняткі ў СШ №3 унука-другакласніка. Адначасова даводзіцца быць дарадцам і кансультантам. Хлопчык самастойна навучыўся чытаць задоўга да школьнага ўзросту. Не згубіў цікавасці да кніг і цяпер задае шмат пытанняў. Радуецца дзядуля: цікавая расце змена. 

Фота Казіміра БЛАЖЭВІЧА. 

Леанід МАТЭЛЕНАК.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 621
  • 0

Злавілі рыбку, ды… залатую

  • 28 февраль 2011, 16:16
  • 94 692
  • 0

Інвестыцыйны форум

  • 23 сентябрь 2011, 10:05
  • 90 632
  • 1

  • 11 февраль 2011, 11:20
  • 43 622
  • 0

Пераброддзе 2012. Погляд вучонага

  • 31 август 2012, 15:19
  • 42 719
  • 0

Кандыдатамі жадаюць стаць

  • 21 август 2012, 15:30
  • 36 760
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 921
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 2 декабря 2020
Адриан, Александр, Валентин, Вениамин, Геннадий, Герасим, Григорий, Денис, Дмитрий, Иван, Игнатий, Иларион, Константин, Леонид, Михаил, Петр, Порфирий, Сергей, Тимофей, Федор, Яков, Семен

Именины 1 декабря 2020
Николай, Платон, Роман

Госці краін

free counters
Партнеры сайта