Авторизация
 

Цёплая сустрэча міёрскіх ветэранаў працы

 Перакананы, што пярвічная ветэранская арганізацыя пры райсельгасхарчы цяпер самая актыўная.  Дзякуючы няўрымслівасці кіраўніка Пятра Пятрова яе прадстаўнікі ў чарговы раз сабраліся напярэдадні Дня жанчын. 

Каб сустрэча аказалася цікавай і запамінальнай, Пётр Васільевіч пракансультаваўся з вопытнымі калегамі. Лічыць карыснай "тэарэтычную"падтрымку Алены Кавалёнак, практычныя парады Зоі Родзінай. Заўсёды дапаможа ў распрацоўцы сцэнарыя Вольга Пашкоўская, яна ж — умелая вядучая. Памяшканне выдзеліць гаспадыня тэрытарыяльнага цэнтра сацыяльнага абслугоўвання насельніцтва Алена Шамёнак. Падтрымае маладымі талентамі дырэктар дзіцячай школы мастацтваў Баляслаў Чарняўскі. Усім ім Пётр Васільевіч выказвае шчырыя словы ўдзячнасці.


Дарэчы, і на гэты раз музычнае афармленне ветэранскага мерапрыемства забяспечвалі юная спявачка Вераніка Закрэўская, якой акампанаваў гітарыст Саша Маскалёў. На фартэпіяна ігралі Насця Вярковіч, Паліна Фяцковіч і Аляксандра Мацвеева, на балалайцы — Артур Гусейнаў. Усёй "выязной брыгадай" кіравала выкладчык Ірына Болтач.


Любая сустрэча адметная напаўненнем, зместам размоў. Гэтая была прысвечана нядаўнім працоўным справам і цяперашняму жыццю ветэранаў. Менавіта пра надзённае сведчылі выступленні Пятра Пятрова і Зоі Родзінай, іх віншаванні з нядаўнім Днём абаронцаў Айчыны і наступаючым Днём жанчын. Пётр Хілько працяглы час узначальваў раённы вузел электрасувязі, цяпер кіруе ветэранскай арганізацыяй сувязістаў, ён падзяліўся вопытам арганізацыі масавых мерапрыемстваў, індывідуальнай работы ў калектыве.


 Асноўная частка сустрэчы прысвячалася імяніннікам. 30 студзеня адзначыў дзень нараджэння ветэран працы Мікалай Лапкоўскі. Ён нарадзіўся ў мнагадзетнай сялянскай сям'і ў вёсцы Белеўцы. Пасля Наўгародскай базавай школы працаваў кінамеханікам на сельскай кінаперасоўцы. Як закончыў Відзаўскае СПТВ, стаў трактарыстам калгаса "Перамога". Адслужыў у арміі, а затым вучыўся ў тэхнікуме і асвойваў абавязкі інжынера па сельгасмашынах у райсельгастэхніцы. Закончыў сельскагаспадарчы інстытут і ўзначаліў службу забеспячэння. Працяглы час займаў пасаду намесніка начальніка райсельгасхарчу па механізацыі. Працоўную дзейнасць у розных фірмах працягваў і пасля выхаду на заслужаны адпачынак.


Мікалай Уладзіміравіч — выдатны гаспадар, мае добраўпарадкаваны дом і сядзібу. Яго інтарэсы не абмяжоўваюцца працай на зямлі. Клапоціца пра сям'ю сына і ўнукаў.


У дзень сустрэчы адзначаў дзень нараджэння нядаўні старшыня райкама прафсаюза работнікаў АПК Франц Вішнеўскі. Франц Антонавіч таксама з мнагадзетнай сям'і, якая жыла ў Ігнаціках. Пасля школы вучыўся ў Гарадоцкім тэхнікуме механізацыі сельскай гаспадаркі, працаваў экскаватаршчыкам у БМУ. З арміі вярнуўся загадчыкам майстэрняў, у калгасе "Праўда" быў галоўным інжынерам (завочна закончыў Вялікалуцкі сельскагаспадарчы інстытут), намеснікам старшыні і старшынёй — увогуле аддаў гэтай гаспадарцы 27 гадоў. Яшчэ 15 прысвяціў прафсаюзнай рабоце.


У Франца Антонавіча выдатная сям'я. Разам з жонкай Рымай Віктараўнай вырасціў чацвярых дзяцей, цяпер радуюцца адзінаццаці ўнукам і ўнучкам. Пры гэтым вядуць дамашнюю гаспадарку і маюць уласныя захапленні.


Пагадзіцеся, сярод ветэранаў шмат цудоўных людзей, з якіх можна і трэба браць прыклад. 

Фота аўтара.

Леанід МАТЭЛЕНАК.

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Вконтакте
  • Facebook
  • OK
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 84 680
  • 0

Інвестыцыйны форум

  • 23 сентябрь 2011, 10:05
  • 53 185
  • 1

Кандыдатамі жадаюць стаць

  • 21 август 2012, 15:30
  • 23 285
  • 0

Пераброддзе 2012. Погляд вучонага

  • 31 август 2012, 15:19
  • 23 084
  • 0

  • 11 февраль 2011, 11:20
  • 21 962
  • 0

Злавілі рыбку, ды… залатую

  • 28 февраль 2011, 16:16
  • 20 061
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 12 731
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 26 апреля 2018
Георгий, Дмитрий, Марфа

Именины 25 апреля 2018
Василий, Давид, Иван, Сергей, Мария, Марфа

Госці краін
free counters
Партнеры сайта