Авторизация
 

Шаркаўшчынска-Міёрская міжраённая арганізацыйная структура ДТСАФ рыхтуе кіроўцаў

 Ад прафесіяналізму тых, хто кіруе транспартам, залежыць бяспека людзей. Таму кожны вадзіцель, перш чым сесці за руль, павінен усведамляць адказнасць. Так лічаць выкладчыкі і майстры Шаркаўшчынска-Міёрскай міжраённай арганізацыйнай структуры ДТСАФ.

— Туман, дождж, галалёд, стомленасць і адсутнасць вопыту не стануць прычынай апраўдання пры дарожна-транспартным здарэнні, — заўважае майстар аўташколы Часлаў Аляшкевіч. — Недастаткова ведаць правілы дарожнага руху і ўмець кіраваць аўтатранспартам. Важна навучыцца быць за рулём ураўнаважаным, уважлівым. Задача майстроў і выкладчыкаў аўташколы—падрыхтаваць прафесіяналаў, якія добра арыентуюцца на ажыўленай дарозе.


 На важнасць грунтоўнай тэарэтычнай і практычнай падрыхтоўкі вадзіцеляў звярнуў увагу і кіраўнік МРЭГ ДАІ аддзела ўнутраных спраў Анатоль Мілто, з якім сустрэліся ў аўташколе падчас экзамену.


Ад курсантаў патрабавалася прадэманстраваць навыкі кіравання грузавой машынай з прычэпам. Майстар Часлаў Іосіфавіч праінструктаваў падапечных, пажадаў удачы. Вадзіцелі хваляваліся: страшнавата, калі побач строгі экзаменатар.


"Загуў" матор шматтоннага ЗІЛа і малады вадзіцель няспешна адпусціў счапленне, дадаў газу. Колы, разрэзаўшы рыхлы снег, выехалі на прысыпанае пясчана-солевай сумессю асфальтавае палатно. Грузавік з прычэпам паімчаў. Праз некаторы час вярнуўся на зыходную пазіцыю. Хлопец задаволены выйшаў з машыны: "Здаў!"

Курсанты прызналіся, што за рулём магутнага ЗІЛа адчуваеш сябе не так упэўнена, як у легкаві-ку. Трасуцца рукі і ногі, пакуль прыстасуешся да нязвыклых габарытаў. Трэба ведаць і тонкасці кіравання машынай з прычэпам. Майстар аўташколы многаму навучыў, таму ўпэўнена выконвалі экзаменацыйныя элементы.


У групе адзінаццаць мужчын і адна жанчына. Раней Ірына мела вадзіцельскае пасведчанне катэгорыі "В". Затым прайшла курсы перападрыхтоўкі на вадзіцеля катэгорыі "С", цяпер паспяхова здала экзамен і на права кіравання грузавымі машынамі з прычэпамі — на катэгорыю "СЕ".


У групе перападрыхтоўкі вадзіцеляў з катэгорыі "С" на катэгорыю "СЕ" з нашага раёна ўсе 12 навучэнцаў паспяхова здалі экзамен і атрымалі пасведчанні на права кіравання.


 Часлаў Аляшкевіч запрашае вадзіцеляў раёна атрымаць пасведчанне і рабочай прафесіі. Вучэбна-матэрыяльная база аўташколы дазваляе праводзіць тэарэтычныя і практычныя заняткі на высокім узроўні. Прычым, курсы перападрыхтоўкі вадзіцеляў з катэгорыі "В" на "С" і "СЕ" цяпер ёсць і ў Міёрах. Такой магчымасцю скарысталіся мясцовыя жыхары, якія закончылі вучобу сёмага лютага. Цяпер дзевяць міярчан праходзяць перападрыхтоўку вадзіцеляў з катэгорыі "В" на катэгорыю "С". Набіраецца новая група і на "СЕ".


Навучальная ўстанова рыхтуе таксама кіроўцаў транспарта катэгорыі "D", але давядзецца наведваць і вучэбныя класы на аўтадроме ў Шаркаўшчыне, дзе ёсць аўтобус "ПАЗ".


На Міёршчыне найбольшай папулярнасцю карыстаюцца курсы на катэгорыю "В". Сёлета ў студзені быў чарговы выпуск кіроўцаў аўтамабіляў з дазволенай масай да 3,5 тоны да васьмі седзячых месцаў.


Шаркаўшчынска-Міёрская структура ДТСАФ, кіраўнік якой Андрэй Руткоўскі, мае больш чым пяцідзесяцігадовы вопыт падрыхтоўкі кадраў, якія задзейнічаны ў розных сферах і галінах народнай гаспадаркі. За мінулы год са сцен установы выйшлі 140 вадзіцеляў катэгорыі "В".
Прайшлі перападрыхтоўку з катэгорыі "В" на "D" з правам атрымання катэгорыі "С" 24 кіроўцы, з "С" на "D" — 47, з "С на "СЕ" — 83. Частка сродкаў, аплочаных за вучобу, накі-роўваецца на развіццё тэхнічных і ваенна-прыкладных відаў спорту, забеспячэнне работы спартыўных секцый і гурткоў, на ваенна-патрыятычныя спаборніцтвы і мерапрыемствы. 

Фотаматэрыял Казіміра БЛАЖЭВІЧА.

Эліза БЛАЖЭВІЧ.

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 91 096
  • 0

Інвестыцыйны форум

  • 23 сентябрь 2011, 10:05
  • 65 323
  • 1

Пераброддзе 2012. Погляд вучонага

  • 31 август 2012, 15:19
  • 31 961
  • 0

  • 11 февраль 2011, 11:20
  • 30 761
  • 0

Кандыдатамі жадаюць стаць

  • 21 август 2012, 15:30
  • 30 078
  • 0

Злавілі рыбку, ды… залатую

  • 28 февраль 2011, 16:16
  • 26 810
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 19 105
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 22 октября 2018
Авраам, Ефим, Константин, Максим, Петр, Яков

Именины 21 октября 2018
Василий, Виктор, Владимир, Дмитрий, Иван, Николай, Павел, Петр, Елизавета, Мария, Надежда, Пелагея, Таисия, Татьяна

Госці краін
free counters
Партнеры сайта