Авторизация
 

На кваліфікацыйным экзамене для трактарыстаў-машыністаў у Міёрах

 На трактарадроме Цэнтра падрыхтоўкі, павышэння кваліфікацыі і перападрыхтоўкі рабочых ажыўлена. Сіненькі "МТЗ-1221" уз'язджае на эстакаду, спускаецца ўніз, выконвае іншыя манеўры. Затым, пакінуўшы трактар на стаянцы, кіроўца робіць усе абавязковыя элементы за рулём кормаўборачнага камбайна "Jaguar-850". 

— Ідзе кваліфікацыйны экзамен сярод трактарыстаў-машыністаў па ваджэнні калёсных трактараў катэгорыі "B" і самаходных машын катэгорыі "D",—тлумачыць кіраўнік Цэнтра Генадзь Кандратовіч. — Учора здавалі тэорыю. Сёння механізатары выпрабоўваюцца на практыцы. У складзе камісіі — галоўны дзяржаўны інспектар райсельгасхарчу Уладзімір Яскевіч (старшыня камісіі), намеснік начальніка аддзела вытворчасці сельгаспрадукцыі райсельгасхарчу Аляксандр Мышко і майстар вытворчага навучання Эдуард Масла.


Кожны дасціпны трактарыст цяпер імкнецца павышаць прафмайстэрства, цікавіцца асаблівасцямі эксплуатацыі, рамонту і абслугоў-вання энерганасычанай тэхнікі. У іх ліку навучэнцы групы №55ПТ вучэбнага Цэнтра, большасць якіх адчуваюць сябе за рулём упэўнена. Усе з пасведчаннямі трактарыстаў-машыністаў катэгорыі "А" і працуюць на "Беларусах". На перападрыхтоўчых курсах, якія пачаліся ў снежні, механізатары істотна паглыбілі свае веды. У вучэбным плане на асваенне энерганасычаных колавых трактараў і самаходных машын адведзена 380 гадзін, з іх 163 — на тэорыю і 123 — на лабараторна-практычныя заняткі. Тым, хто паспяхова здасць экзамены, выдадуць часовыя пасведчанні трактарыстаў-машыністаў з правам кіравання тэхнікай катэгорый "В" і "D". Гэты дакумент патрэбны для двухтыднёвай вытворчай практыкі, па заканчэнні якой усе збяруцца на кансультацыю ў вучэбны Цэнтр і ўнутраны экзамен.


— У сакавіку нашы слухачы атрымаюць пасведчанні ўстаноўленага ўзору, якія дазваляюць працаваць самастойна на трактарах з магутнасцю рухавіка больш за 80 кілават і самаходных машынах сельгаспрызначэння айчыннай і замежнай вытворчасці, — тлумачыць Генадзь Кандратовіч. — Перападрыхтоўку у групе №55ПТ прахо-дзяць 30 механізатараў. У тым ліку па тры работнікі з УП "Цітова" і ААТ "Мікалаёўскі", па два з ААТ "Узмёнскі край", райаграсэрвісу, мясакамбіната, філіяла "Павяцце" ААТ "Чэрасы", КУП "Язна" і г. д. Самыя старэйшыя — Юліян Ластоўскі з Язненскага ПМС, Анатоль Башаў з ААТ "Мікалаёўскі", Сяргей Грыгарэнка з ААТ "Міёрскі райаграсэрвіс". Маладзейшыя — Сяргей Ліманоўскі з ААТ "Папшулі", Ігар Забродзін і Аляксандр Пад'ельскі з "Цітова", Дзмітрый Лакотка і Дзмітрый Немянёнак з філіяла "Павяцце" УП "Чэрасы", Аляксандр Маскалькоў з ільнозавода.


На трактарадроме не заціхае рокат матораў "МТЗ-1221" і "Jaguar-850". За кіроўцамі, якія здаюць экзамен, уважліва назіраюць і члены камісіі, і механізатары, якім належыць прайсці іспыты. Цікаўлюся іх настроем.


— Цяпер на палетках працуе магутная тэхніка, трэба ісці ў нагу з часам — павышаць кваліфікацыю, — кажа Анатоль Башаў. — У 1981 годзе я закончыў Відзаўскае СПТ, атрымаў прафесію трактарыста катэгорыі "А". Хоць ужо 54 гады, па прапанове кіраўніцтва запісаўся на курсы, што дасць магчымасць працаваць не толькі на "МТЗ-80", "МТЗ-1221", але і на магутным "Беларусь-3022", на камбайнах "КЗС-10К", "КЗС-1218", кормаўборачным комплексе "КВК-800" і інш.
Сяргей Храпавіцкі і Аляксей Сяргей з Сіцькова. Адзін — мясцовы, другі ў дзяцінстве прыехаў на Міёршчыну з матуляй з Маладзечанскага раёна. Сяргей асвоіў прафесію трактарыста-машыніста ў вучэбным Цэнтры і 10 гадоў у сельгаставарыстве. Сее, грузіць салому КУНам, апрацоўвае палеткі ядахімікатамі. Жартуе, што ў кабіне трактара "як рыба ў вадзе" з дзяцінства, бо яго айчым Станіслаў Драгун — адзін з лепшых у гаспадарцы камбайнераў.


Аляксей таксама мае тэхнічнага настаўніка — Сяргея Вайтовіча, які працуе ў гаспадарцы на "Амкадоры". Сам хлопец раней быў заняты ў жывёлагадоўлі. У 2016-м паступіў на механізатарскія курсы і далучыўся да атрада трактарыстаў. Новай прафесіяй задаволены, заробак большы. Праўда, і працаваць трэба ад ранку да змяркання. Рамантуе тэхніку, бо паедзе на палеткі ў ліку першых: на "МТЗ-1221" плануе дастаўляць у шматтоннай бочцы вадкі азот да "Расы". Затым прыступіць да культывацыі глебы. Яшчэ неабходна падрамантаваць прычэп "ПІМ-40", які інтэнсіўна эксплуатуецца на корманарыхтоўцы.


Сярод экзаменаваных юны трактарыст з Павяцця Дзмітрый Лакотка. Сельскагаспадарчую спецыяльнасць атрымаў у Глыбоцкім ліцэі. Працуе на "МТЗ-82". На пэўны час з'ехаў у іншы раён. Але хутка зразумеў: лягчэй у родных мясцінах, дзе ведаеш не толькі людзей, але і дарогі, вёскі. У мясцовай гаспадарцы яму выдзелілі дом, у сям'і ёсць двухгадовая дачушка Яўгенія і шасцімесячны Данііл. На курсы перападрыхтоўкі запісаўся, каб стаць спецыялістам шырокага профілю і атрымліваць лепшы заробак.


Пасля экзамену старшыня камісіі падвёў вынікі, указаў на памылкі, пажадаў паспяховай вытворчай практыкі. Хутка кожны курсант сядзе за руль энерганасычанай тэхнікі і ўнясе асабісты ўклад у вясенне-палявыя работы, корманарыхтоўку і жніво. 

Фота Казіміра БЛАЖЭВІЧА.

Эліза БЛАЖЭВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 626
  • 0

Злавілі рыбку, ды… залатую

  • 28 февраль 2011, 16:16
  • 94 915
  • 0

Інвестыцыйны форум

  • 23 сентябрь 2011, 10:05
  • 90 675
  • 1

  • 11 февраль 2011, 11:20
  • 43 643
  • 0

Пераброддзе 2012. Погляд вучонага

  • 31 август 2012, 15:19
  • 42 721
  • 0

Кандыдатамі жадаюць стаць

  • 21 август 2012, 15:30
  • 36 765
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 922
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 5 декабря 2020
Алексей, Архип, Борис, Василий, Владимир, Герасим, Иван, Илья, Максим, Марк, Михаил, Павел, Петр, Фаддей, Федор, Прасковья, Афанасий, Яков

Именины 4 декабря 2020


Госці краін

free counters
Партнеры сайта