Авторизация
 

Ганна Дзераўніна бачыць слаба, карыстаецца кіем

 Ганна Генадзьеўна Дзераўніна нарадзілася ў пераможным 1945 годзе. Таму ўмее мужна пераадольваць цяжкасці. Пражывае Ганна Генадзьеўна ў Новым Пагосце. Адна. Яна інвалід другой групы па зроку. Бачыць слаба, карыстаецца кіем.

Размаўляем па тэлефоне. У трубцы бадзёры голас.
— Мая малая радзіма — вёска Волкаўшчына. Пэўны час жыла ў Свярдлоўскай вобласці ў Расіі. Адтуль родам мой тата,—расказвае субяседніца. — Скончыла ветэрынарнае вучылішча, уладкавалася ў саўгас.


НА МІЁРШЧЫНУ вярнулася ў пачатку 70-х. Працавала ў ветлякарнях у Міёрах і Новым Пагосце. Трынаццаць год была ветэрынарным урачом у калгасе "Рассвет" (цяпер ААТ "Любінова"). Трымала вялікую ўласную гаспадарку.


— Летуном тады не модна было быць. Уладкаваўся на працу — выконвай яе сумленна і лёгкага хлеба не шукай,—заўважае былы сельскі працаўнік. — Лячыла кароў, свіней, авец. Работа цяжкая, але мне падабалася. Жывёла нашмат больш удзячная за чалавека.
У 2000 годзе ў Ганны Генадзьеўны выявілі алергію на ветэрынарныя лекі. Працу давялося пакінуць. Праз чатыры гады дыягнаставалі глаўкому. Праблемы са зрокам былі з дзяцінства, з узростам абвастрыліся. Чатыры аперацыі не прынеслі жаданага выніку.
ГАННА ДЗЕРАЎНІНА—актыўны ўдзельнік раённай арганізацыі Беларускага таварыства інвалідаў па зроку і клуба "Відушчае сэрца" пры тэрытарыяльным цэнтры сацыяльнага абслугоўвання насельніцтва Міёрскага раёна. Тройчы пабывала ў аддзяленні рэабілітацыі інвалідаў па зроку ў Віцебскім доме-інтэрнаце для састарэлых і інвалідаў. У снежні зноў туды збіраецца. Рэабілітантаў вучаць спраўляцца з хатнімі клопатамі, знаёмяць з сучаснымі ціфласродкамі, у праграме адпачынку значацца танцы.


ДОМА таксама без спраў не застаецца. Ёсць сад і агарод. Спраўляцца з клопатамі дапамагаюць дзеці з міёрскага дома сямейнага тыпу разам з выхавальнікам Жаннай Лашынай. Там выхоўваецца малодшы ўнук Ганны Генадзьеўны. Унучка вывучае замежныя мовы на філфаку Віцебскага дзярж-універсітэта.


—Я вельмі ўдзячна Жанне Яўгенаўне Лашынай і яе выхаванцам за клопат, дапамогу і чуласць,—гаворыць субяседніца.—Улетку сабралі вішні і яблыкі. Восенню бульбу выкапаць дапамаглі. Яны ў мяне нярэдкія госці, якім вельмі рада.
КАЛІСЬЦІ Ганна Генадзьеўна захаплялася вязаннем і вышыўкай. Цяпер не можа сабе гэта дазволіць. Рук не апускае. Умее прымаць цяжкасці і заўважаць добрае ў новым дні. 

Кацярына РЫНКЕВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 17 июня 2021
Иван, Митрофан, Назар, Петр, Ростислав, Мария, Марфа, Софья

Именины 16 июня 2021
Денис, Дмитрий, Лукьян, Михаил, Павел, Юлиан, Афанасий

Госці краін

free counters
Партнеры сайта