Авторизация
 

Журавіны ў цукры ад Валянціны Пальчэўскай са Старых Крукоў

 Бібліятэкар, старэйшына, дэпутат мясцовых саветаў, актывістка ў грамадскіх і гаспадарчых справах Валянціна Пальчэўская са Старых Крукоў. Сустракае чытачоў у Чэраскай бібліятэцы. Дапамагае вырашаць надзённыя праблемы аднавяскоўцам і жыхарам Новых Крукоў і Малой Кавалеўшчыны. Штогод вітае гасцей свята "Журавы і журавіны" на падворку Міёрскага сельсавета. Правіла ў Валянціны Мікалаеўны простае — з карысцю выкарыстоўваць кожную хвіліну. 

У пятніцу Валянціна Пальчэўская прымала віншаванні ад родных, знаёмых і калег з Днём бібліятэк. На першае працоўнае месца — у Крукаўскую бібліятэку — прыехала 31 ліпеня 1987 года. Сёлета ўстанову зачынілі, бібліятэкара перавялі ў Чэрасы. Дабіраецца на веласіпедзе. Дзесяць кіламетраў на працу і столькі ж дадому. Зваротны шлях з багажом — вязе кнігі аднавяскоўцам.


— Ведаеце, што самае прыемнае. Калі прыязджаю з работы, а мяне ля дома чытачы чакаюць, — гаворыць бібліятэкар.
Сама таксама адпачывае за кнігай. Чытае сучасных аўтараў, перачытвае Чэхава і Дастаеўскага, Купалу і Коласа. Праўда, асенняй парой кніжныя старонкі гартае нячаста. У верасні бярэ водпуск, каб выкапаць бульбу і сабраць ураджай з агарода. Каб нарыхтаваць варэнні, кампоты і салаты. Каб схадзіць па журавіны. Да іх рукой падаць. За два кіламетры ад дома знаёмы з дзяцінства Басяноўскі мох. Яшчэ дзяўчынкай хадзіла збіраць журавіны разам з маці. Цяпер кампанію складаюць муж і дзеці. Сёлета журавіны ўрадзілі. Запасаецца на зіму. Ягады перабірае, мые, запаўняе трохлітровыя слоікі і залівае халоднай гатаванай вадой. Захоўваюцца да наступнага сезону.


Заўтра на паўвостраве Валянціна Мікалаеўна пачастуе гасцей свята журавінамі ў цукровай пудры. Гэты дэсерт гатуе штогод.
— Ягады трэба вымыць і патрымаць у салодкай халоднай вадзе. Пасля апусціць у бялок ад курынага яйка. Затым абваляць у цукровай пудры — расказвае субяседніца. — Застаецца раскласці журавіны ў тарталеткі, і пачастунак гатовы. Разыходзіцца хутка. І на свяце, і дома.
Мужу Юрыю Эдмундавічу і дзецям Дзянісу і Марыі даспадобы катлеты з журавінавым сокам і кампот з журавін. Калі дадаць у фарш лыжку-дзве свежага соку, страва набудзе прыемную кіслінку. Кампот гатуецца, як і напоі з іншых ягад. Толькі цукру больш. На трохлітровы слоік — паўтара кілаграма. Атрымліваюцца прыемны чырвоны колер і кісла-салодкі смак. Слоікі з кампотам ужо ў склепе.


— Нарыхтовак на зіму шмат раблю. Кансервую агуркі і памідоры, розныя салаты, грыбы марыную, — кажа гаспадыня. — Частавацца ёсць каму. Дачка — студэнтка-другакурсніца, на юрфаку ў ПДУ вучыцца. Бярэ дамашнія ласункі з сабой. Сын з намі жыве. Разам з мужам у лясніцтве працуе. Цяпер абодва ў Гомельскай вобласці. Адправілі ў камандзіроўку ратаваць сасновыя бары ад высыхання.
Пакуль родныя ў ад'ездзе, Валянціна Мікалаеўна спраўляецца па гаспадарцы, даглядае кветкі ў доме і на падворку, капае бульбу, кансервуе гародніну. 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках

  • да 2018
  • 2019
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 178
  • 0

Інвестыцыйны форум

  • 23 сентябрь 2011, 10:05
  • 85 619
  • 1

Злавілі рыбку, ды… залатую

  • 28 февраль 2011, 16:16
  • 80 067
  • 0

Пераброддзе 2012. Погляд вучонага

  • 31 август 2012, 15:19
  • 42 336
  • 0

  • 11 февраль 2011, 11:20
  • 41 115
  • 0

Кандыдатамі жадаюць стаць

  • 21 август 2012, 15:30
  • 36 437
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 583
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 9 апреля 2020
Александр, Иван, Макар, Павел, Ефрем

Именины 8 апреля 2020
Авраам, Василий, Гавриил, Степан, Алла, Анна, Лариса, Прасковья

Госці краін

free counters
Партнеры сайта