Авторизация
 

Ветэраны Міёршчыны з'ездзілі да калег у Расонскі раён

Ветераны Миорщины съездили к коллегам в Россонский районЛеанід МАТЭЛЕНАК

Фота аўтара

У канцы мая актывісты ветэранскага руху Міёршчыны з'ездзілі да калег у Расонскі раён, каб абмяняцца вопытам.  Праклалі маршрут кіраўнік раённай арганізацыі Часлаў Кашкур і яго памочніца Зоя Родзіна.

Невялікі аўтобус з вадзіцелем Сяргеем Грыгор'евым на спонсарскіх умовах прадаставіў дзіцячы санаторый "Расінка". Месцы ў ім занялі міярчане Пётр Хілько, Раман Фурс, Мікалай Каранкевіч, Галіна Курыльчык — кіраўнікі ветэранскіх пярвічак,  з Пад'ельцаў  — Уладзімір Пальчэўскі, з Дзісны — Вольга Мароз. На дарозе апошнія месцы занялі Тамара Шчарбакова ў Даўгінаве і Святлана Пачопка — ва Узмёнах. Прабачце, не абвяшчаю поўны спіс.

 

Ветераны Миорщины съездили к коллегам в Россонский районМінаем Верхнядзвінск, і неўзабаве пачынаюцца амаль што несканчоныя лясы Расоншчыны з рэдкімі населенымі пунктамі, з больш частымі помнікамі, абеліскамі, стэламі. У прыгожых сасонніках пасажыры адзінадушна ўздыхаюць: колькі тут без нас грыбоў прападае! А настаўнік СШ №3 Вітольд Ермалёнак нагадвае, што едзем па вядомых усім гістарычных мясцінах, якія ўжо вывучалі ў час веласіпедных вандровак яго падапечныя "арганаўты".


Непасрэдна Расоны пакінулі прыемнае ўражанне — невялікі, але ўтульны, чысты і дагледжаны гарадскі пасёлак. Потым тут нам не раз падкрэслівалі, што ў гэтым вялікая заслуга нашых землякоў, у першую чаргу нядаўніх старшыні райвыканкама Аляксандра Шубскага і начальніка ДЭУ-109 Мікалая Скавародкі. Ксёндз Вячаслаў Барок дабудоўвае тут вялікі і прыгожы касцёл. Тамашнія ветэраны не забылі колішніх камсамольскага сакратара Анатоля Будзько і міліцэйскага начальніка Васіля Хаткевіча…


Міярчан сустрэлі, а затым і апекавалі прадстаўнік аддзела ідэалагічнай работы, культуры і па справах моладзі райвыканкама Аркадзь Гарохаў і кіраўнік раённай ветэранскай арганізацыі Іна Павядайла. Пасля экскурсіі па залах цудоўнага музея Баявой садружнасці, прысвечанага найперш сумеснай дзейнасці партызан Беларусі, Расіі і Латвіі і наведвання мемарыяльнай залы П. М. Машэрава, адбыўся абмен вопытам арганізацыі ветэранскага руху.


Іна Іванаўна апавядала пра штомесячныя сустрэчы з кіраўнікамі пярвічных арганізацый, на якіх падводзяцца вынікі зробленага. Расказала пра мерапрыемствы ва ўсіх трох аддзяленнях кругласутачнага знаходжання пажылых людзей ТЦСАН, справы ветэранскага хору, узаемадзеянні з бібліятэкамі і музеем, імпрэзы мясцовых паэтаў, фотавыставы як падарунак актывіста. Ветэраны ўдзельнічаюць ва ўсіх раённых мерапрыемствах. Тут стала традыцыяй віншаваць кожнага з днём нараджэння, з памятнымі падзеямі і датамі.


Міярчане ўсклалі кветкі да помніка 109 спаленым вёскам, ушанавалі памяць загінуўшых партызан, воінаў і мірных грамадзян у мемарыяльным парку, расстраляных падпольшчыкаў на беразе возера непасрэдна ў Расонах. У Клясціцах букеты ўсклалі да памятных знакаў у гонар загінуўшых у перыяд Вялікай Айчыннай землякоў, вязняў фашысцкага канцлагера і ўдзельнікаў баёў 1812 года. Прыемнай нечаканасцю стала сустрэча з мясцовым кіраўніком ветэранскай арганізацыі, якой аказалася Ганна Печкурова. Калісь Ганна Аляксандраўна на працягу амаль дзесяцігоддзя ўзначальвала Дом піянераў у Міёрах.


Ветераны Миорщины съездили к коллегам в Россонский районЗапомнілася паездка па месцах баявой партызанскай славы. Вёска Роўнае Поле, якая стала базай атрада Дубава — гэта падпольная мянушка П.М. Машэрава — і партызанскай брыгады імя Ракасоўскага, дзе Пётр Міронавіч быў камісарам, уразіла велічным помнікам гэтаму злучэнню народных мсціўцаў. А яшчэ тут пабачылі статак не надта баязлівых і грацыёзных казуль.


Здавалася, несканчоная лясная звілістая пясчаная дарога прывяла нашу дэлегацыю ў адноўлены партызанскі лагер на беразе возера Дзяражжа, які з'яўляецца філіялам раённага музея Баявой садружнасці. Некалькі зямлянак на месцы мноства такога часовага жылля даюць нашым сучаснікам магчымасць уявіць, у якіх умовах развівалася ўсенародная вайна з ворагам.


Заключным аб'ектам наведвання Расоншчыны стала Сярэбраная крыніца. Дзякуючы спонсару калісь непрыкметная ручаіна, хаця і авеяная легендамі, стала сучасным турыстычным аб'ектам. Тут наведвальнікі імкнуцца ў прыгожых "церамках" запасціся лячэбнай вадой, маюць магчымасць з мэтай умацавання здароўя акунуцца ў блакітнаватую празрыстую купель.

 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 98 630
  • 0

Злавілі рыбку, ды… залатую

  • 28 февраль 2011, 16:16
  • 94 988
  • 0

Інвестыцыйны форум

  • 23 сентябрь 2011, 10:05
  • 90 697
  • 1

  • 11 февраль 2011, 11:20
  • 43 655
  • 0

Пераброддзе 2012. Погляд вучонага

  • 31 август 2012, 15:19
  • 42 724
  • 0

Кандыдатамі жадаюць стаць

  • 21 август 2012, 15:30
  • 36 770
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 25 925
  • 2
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 6 декабря 2020
Александр, Алексей, Борис, Григорий, Иван, Митрофан, Федор

Именины 5 декабря 2020
Алексей, Архип, Борис, Василий, Владимир, Герасим, Иван, Илья, Максим, Марк, Михаил, Павел, Петр, Фаддей, Федор, Прасковья, Афанасий, Яков

Госці краін

free counters
Партнеры сайта