Авторизация
 

Чым здзіўлялі і частавалі на падворках Міёршчыны

 На невялікай плошчы шырокі прастор для творчасці. Пройдземся па падворках сельсаветаў, што размясціліся на паўвостраве, павітаемся з гасціннымі гаспадарамі, палюбуемся яркімі дэкарацыямі. 

ЗАЙСЦІ на падворак Язненскага сельсавета прапаноўвалі па слядах. Якія выбраць — мужчынскія, жаночыя ці дзіцячыя — вырашай сам. Гэта першае заданне гульні-квэсту. Наступныя — адказаць на пытанні пра гісторыю Язна, зрабіць бранзалет з журавін, трапіць папяровым шарам у баскетбольнае кольца, перабраць гародніну, праспяваць прыпеўку разам з калектывам “Іставіца”. За кожны паспяхова пройдзены этап — жураўлік-арыгамі. Іх колькасць падлічвала старшыня сельсавета Валянціна Фядзьковіч і частавала ўдзельнікаў ласункамі.


Упрыгожвалі падворак фотаздымкі з язненскімі краявідамі, выстава сельгаспрадукцыі, у цэнтры — фігуры жураўлёў. Лагатып фестывалю на мяшочках з травяным чаем размясціла гаспадыня аграсядзібы “Клённая” Тамара Касатая. Духмяны і карысны напой з лістом парэчак, маліны і мятай — уласнай вытворчасці.


НА падворку Узмёнскага сельсавета карыстаўся попытам іван-чай. Яго прывезла з Верхнядзвінска Наталля Яфрэмава.
 — На фестывалі ўпершыню. Прапанавалі паўдзельнічаць, пагадзілася. Займаюся кветкамі, гародніну вырошчваю, — гаворыць субяседніца. — Свята цікавае, своеасаблівая атмасфера, шмат новага для сябе адкрыла.


Юшкай з петуха частавала гасцей Ганна Барэйша з ААТ “Узмёнскі край”. Расказала, што апетытная страва, якую гатуюць у сталовай гаспадаркі, трэці год запар разыходзіцца хутка. Побач з палявой кухняй — вялікая драўляная скрыня з надпісам “Бюро знаходак”.
— У мінулым годзе з фестывалю апошнія ад’язджалі, шмат забытых рэчаў знайшлі. Прывезлі вярнуць. Можа, штосьці Ваша ў скрыні ёсць? — усміхаецца субяседніца.


Дэкорам падворка паслужыла кампазіцыя з гародніны выхаванцаў Слабадской яслі-сад — пачатковай школы, плеценыя з газетных трубачак вазы і кошыкі загадчыцы Даўгінаўскай бібліятэкі Таццяны Лакотка, вязаныя рэчы жыхаркі Даўгінава Тамары Шчарбаковай.


 ПА КОЛЬКАСЦІ вырабаў ручной работы не было канкурэнтаў у Дзісенскага падворка. Свае шкатулкі з газетных трубачак і вышыванкі прадстаўляла намеснік загадчыцы Дзісенскага яслі-сада Алена Тамашэвіч. Прывабна выглядалі работы гурткоўцаў філіяла Міёрскага цэнтра дзяцей і моладзі. Затрымліваліся наведвальнікі ля выставы Дзісенскага гарадскога Дома рамёстваў. Музычны тон задаваў ансамбль “Каліна”. Ля стэнда Дзісенскага лясгаса вывучалі экалагічны маршрут аматары актыўнага адпачынку. Як і паўсюль — шчодры стол з пачастункамі.


АДКАЗНАЯ за кулінарную разнастайнасць на падворку Павяцкага сельсавета — Марыя Юрашэк. Штогод з дапамогай аднасяльчанак гатуе на фестываль. Стол упрыгожваў певень у пацерках з перцу. Наводдаль смажылі на ражне парася. Салодкія пірожныя, у тым ліку і з журавінамі, прыгатавалі загадчыца Ідолтаўскага СК Эдзіта Філіпава і дырэктар Павяцкага СДК Алена Няміра.


Збоку ад уваходу — зялёны куточак з малінай, хрызантэмамі, хвойнымі раслінамі. Іх вырошчваюць Уладзімір і Аліна Жэндаравы з Павяцця. Педагогі на заслужаным адпачынку знайшлі для сябе захапляльны занятак. На фестываль саджанцы прывезлі ўпершыню.


 ПРАДУКЦЫЮ з уласнай гаспадаркі — сала, яйкі, тварог, масла, сыр — прывезлі гаспадыні з Пераброддзя Тамара Мароз і Раіса Высоцкая. На падворку навічкі.


— Штогод далучаем да фестывалю новых удзельнікаў, — заўважае дэпутат Перабродскага сельсавета Наталля Самсановіч. — Сёлетнія праграма і афармленне прысвечаны Году малой радзімы. У рэтра-куточку рэчы з музея народнага побыту Забалоццеўскай бібліятэкі-клуба. Насупраць — выстава сучасных дэкаратыўных вырабаў, якую падрыхтавалі вучні Міёрскай СШ №2. Прасочваем сувязь пакаленняў.


Работы школьнікаў прадстаўлялі дзевяцікласнікі Аляксандр Дзеравянчык і Аляксандра Мітрафанава.


Разбіралі на перабродскім падворку сабраныя да свята журавіны.
ХУТКА апусцелі вёдры з чырвонымі ягадамі ў Жанны Пятроўскай на падворку Міёрскага сельсавета. Да балота гаспадыні з Сухавержа рукой падаць, не прапускае ніводны сезон.


Вызначаўся падворак вырабамі з дрэва і карцінамі ў тэхніцы выцінанкі. Эстэтычным афармленнем штогод радуюць СШ №3 імя Я.Томкі і Дворнасельская школа. Імправізаванае балота з турыстычнай палаткай—удалая фотазона. Яшчэ тут свае Журавель і Журавінка. У касцюмах галоўных герояў сямікласніца Насця Цвячкоўская і другакласнік Лёша Корсак з Дворнасельскай школы. З імі таксама жадалі сфатаграфавацца.


НА падворку Новапагосцкага сельсавета сустракала Журавінавая Каралева. Гэтую ролю іграла супрацоўніца Новапагосцкай амбулаторыі Наталля Рудзь. Вабілі позірк выстава творчых работ з гародніны, ручныя вырабы. Плеценыя кошыкі, вязаныя сурвэткі, лялькі-шкатулкі, журавінка з цукерак, лебедзі і кветкі ў тэхніцы халоднага фарфору. Іх аўтары — мастацкі кіраўнік Чапукоўскага СДК Тэрэза Корсак і бібліятэкар Чапукоўскай бібліятэкі Алена Дулінская — кожны год здзіўляюць творчымі знаходкамі.


Пачастункі прыгатавалі спецыялісты з ААТ “Любінова”.
ГАЛОЎНАЯ страва на стале ў падворку Мікалаёўскага сельсавета — жураўлін. Дзівосную птушку з неядомым тулавам і смачнымі пёрамі прыдумала Любоў Белазорчык з вёскі Капыльшчына. Сёлета Міхаіл і Любоў Белазорчыкі ў ліку пераможцаў конкурсу па добраўпарадкаванні сядзіб. Як кажа гаспадыня, слова “сядзіба” ёй не падабаецца, называюць жыллё фальваркам ЛАМА (абрэвіятура з імёнаў членаў сям’і). Звонку яго ўпрыгожваюць кветкі і малыя архітэктурныя формы, унутры — тапіарыі гаспадыні, калекцыі манет і машынак гаспадара.


Фестывальны падворак аздобілі вышываныя рушнікі, драўляныя фігуры жураўлёў на мху, вырабы педагогаў і вучняў Сіцькоўскай школы.


ТВОРЧЫЯ набыткі гурткоўцаў Туркоўскага СДК упрыгожылі падворак сельсавета. Пано, вышываныя карціны, кветкі з бісеру, папяровыя букеты.


— У нас дзейнічае некалькі гурткоў па рукадзеллі. Працуем з бісерам, паперай, вышываем,—расказвае дырэктар установы Марыя Шчасная. — Да фестывалю рыхтаваліся ўсе разам: СДК, школа, сельсавет, ААТ “Туркова”. Прадумвалі афармленне, гатавалі стравы. На гэтым свяце я ў другі раз. Сама з Лёзна, на маёй радзіме праходзіць свята “Суніцы”. У нечым падобнае да Міёрскага фэсту. Таксама ладзяць падворкі. Толькі ўвага іншым ягадам.


Салодкія ноткі ў Туркове ад Аляксандра Маляўкі. Прапаноўваў кветкавы мёд. Расказвае, што пчалярству ў дзяцінстве вучыў дзядуля, цяпер даглядае пчол самастойна.


— ПАГЛЯДЗІЦЕ, якая ў нас шыкоўная страва, — сустракаюць на Завуццеўскім падворку гаспадары Віктар Філіповіч і Валянціна Каласёнак і праводзяць да стала. У цэнтры кулінарнай разнастайнасці — два запечаныя парасяці. Іх прадаставіла да свята СУП “Цітова”.


Конь з бярозавых паленаў вязе ў павозцы сёлетні ўраджай. Бульба, капуста, цыбуля, перац, вінаград. Запасаў хопіць.
Творчай справай занята настаўніца Завуццеўскай школы Алена Стаўская. Заканчвае чарговую карціну ў тэхніцы бацік. Роспісам па тканіне захапілася год восем таму. Вынікі побач. Разам з карцінамі яркія дошкі для кухні, аздобленыя ў тэхніцы дэкупаж.

***
У разнастайнасці фарбаў, гукаў і дэкарацый лёгка згубіцца. Адной прагулкі па падворках не хопіць. Хочацца заходзіць зноў і зноў. Распытваць пра сакрэты творчасці, фатаграфавацца на фоне балотных экспазіцый, заўважаць тое, што трапіла на вока не адразу, здзіўляцца фантазіі і працавітым рукам сваіх землякоў.

Па традыцыі, праходзіў конкурс на лепшы сельскі падворак. Вынікі падвяла старшыня раённага Савета дэпутатаў Марыя Баніфатава. Першае месца ў конкурсе сельскіх падворкаў прысудзілі Язненскаму сельсавету. На другім — Перабродскі. Трэцяе ў Павяцкага. Кожны падворак адзначылі ў намінацыях і ўзнагародзілі падарункамі.

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 91 235
  • 0

Інвестыцыйны форум

  • 23 сентябрь 2011, 10:05
  • 65 487
  • 1

Пераброддзе 2012. Погляд вучонага

  • 31 август 2012, 15:19
  • 32 127
  • 0

  • 11 февраль 2011, 11:20
  • 30 924
  • 0

Кандыдатамі жадаюць стаць

  • 21 август 2012, 15:30
  • 30 221
  • 0

Злавілі рыбку, ды… залатую

  • 28 февраль 2011, 16:16
  • 26 956
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 19 246
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 23 октября 2018
Андрей, Василий, Иннокентий

Именины 22 октября 2018
Авраам, Ефим, Константин, Максим, Петр, Яков

Госці краін
free counters
Партнеры сайта