Авторизация
 

Узнагароды за фотаконкурс "Мая малая Радзіма" атрымалі пераможцы

 Рэдакцыя "Міёрскіх навін” падвяла вынікі фотаконкурсу "Мая малая Радзіма". Шмат цікавых работ даслалі нашы чытачы. Рабілі здымкі на фоне роднай вуліцы і дома, сярод  каларытных маляўнічых краявідаў. Работы ацэньваліся па дзвюх намінацыях “Мой родны і любімы горад (вёска)” і “Жывыя ў памяці дарагія мясціны”. Выбраць лепшых аказалася складана.

 Пераможцам у намінацыі “Мой родны і любімы горад (вёска)” стала васьмігадовая Маргарыта Нэліна. Юная міярчанка пражывае з сям’ёй па вуліцы Ягора Томкі. Скончыла трэці клас СШ №2. Дзяўчынка захапляецца бісерапляценнем. У конкурсе “ўдзельнічаў” яе калаж з трох фотаздымкаў: Маргарыта ля помніка Героя Савецкага Саюза Я.Томкі, затым крочыць з сяброўкай у школу і ля вазонаў з краскамі, што ўпрыгожваюць улетку наш горад. Узнагароду ўручалі дома. Шчыра радаваліся перамозе яе мама Анжэла і дзве малодшыя сястрычкі Мілана і Аліна. Дзяўчынкі дапамагалі трымаць дыплом і анёлка.

 Старыя здымкі 80-ых гадоў мінулага стагоддзя з выявай тагачаснай вёскі Белеўцы даслала Сафія Даргель. На фота сушаць сена яе маці Марыя і сястра Ала, тата Віталь і сын Жэня вядуць з поля  кароўку. А вось на трэцім сучасным здымку застаўся толькі вялікі сад, дзе калісьці бурліла жыццё… Здымкі перамаглі ў намінацыі “Жывыя ў памяці дарагія мясціны”. Сафія пражывае ў Расійскай Федэрацыі. Даслала работы на конкурс праз сацыяльную сетку “Одноклассники”.  Пра сябе расказала сціпла: “Нарадзілася і вырасла ў вёсцы Белеўцы. Пасля Наўгародскай школы вучылася на фармакалагічным аддзяленні Магілёўскага медвучылішча. Выйшла замуж за ваеннага. Зараз пражываю ў г. Ногінск Маскоўскай вобласці. Штогод, а то і часцей, прыязджаю на радзіму, заўсёды ў курсе падзей Міёршчыны. Мне дарагое ў родных мясцінах усё: ветлівыя людзі, кожны куточак, дзе прайшло дзяцінства і юнацтва. У нашай сям’і ахоўваем і з маленства перадаём дзецям і ўнукам традыцыі: павагу да старэйшых, працалюбства, жаданне дапамагчы, любоў да гісторыі роднага краю”.

 У анлайн-галасаванні ва ўсіх сацыяльных сетках, дзе прадстаўлена група “Миоры. Новости/ Міёрскія навіны” Кацярына Рынцэвіч набрала найбольшую колькасць галасоў — 250.  На яе здымку ўдала сфатаграфавана Іна Капусціна ў аграгарадку Чапукі. Кацярына паступае ў Віцебскі дзяржаўны тэхналагічны каледж на спецыяльнасць аператар камп’ютарнай графікі, вытворца мастацкіх вырабаў з керамікі, фатограф. З нецярпеннем чакае станоўчых вынікаў. Фатаграфаваннем захапілася два гады таму. Узнагарода за настойлівасць і цікавасць да гэтага рамяства не прымусіла доўга чакаць. Другія месцы дзяўчына заваёўвала на раённых конкурсах “Краіна мая дарагая” і “Мая чароўная Беларусь”. Трэцяя ўзнагарода ад рэдакцыі. Жадаем Кацярыне, каб яе мара ажыццявілася!

Усе пераможцы фотаконкурсу “Мая малая Радзіма” ўзнагароджаны дыпломамі і памятнымі сувенірамі.

***

Шчырую падзяку выказвае рэдакцыя “Міёрскіх навін” уладальніцы магазіна “Велес”  Алесі Глебка за спонсарскую дапамогу ў выглядзе сувенірнай прадукцыі.

Фота аўтара і з сацыяльных сетак.

Вольга ВІШНЕЎСКАЯ. 

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
Группа «Миорские новости»
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 85 769
  • 0

Інвестыцыйны форум

  • 23 сентябрь 2011, 10:05
  • 57 583
  • 1

Пераброддзе 2012. Погляд вучонага

  • 31 август 2012, 15:19
  • 25 655
  • 0

Кандыдатамі жадаюць стаць

  • 21 август 2012, 15:30
  • 24 702
  • 0

  • 11 февраль 2011, 11:20
  • 24 512
  • 0

Злавілі рыбку, ды… залатую

  • 28 февраль 2011, 16:16
  • 21 336
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 13 701
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 15 августа 2018
Василий, Иван, Кирилл, Платон, Роман, Степан, Тарас, Федор

Именины 14 августа 2018
Александр, Дмитрий, Леонтий, Тимофей, Федор, Софья

Госці краін
free counters
Партнеры сайта