Авторизация
 

Чарговыя ўдзельнікі фотаконкурсу “Мая малая Радзіма”

 Чарговыя ўдзельнікі фотаконкурсу “Мая малая Радзіма” ў намінацыі “Мой родны і любімы горад (вёска)” — міярчане Аляксей Гайдзель і Алена Шангіна, сёстры Улада і Вікторыя Варонькі з Новага Сяла і маленькі Мацвей Кукуць з Белеўцаў.

АЛЯКСЕЙ ГАЙДЗЕЛЬ і Алена Шангіна займаюцца фота- і відэаздымкай. Сям’я шмат вандруе па раёне. Ведаюць дакладна: Міёршчына багатая на прыгожыя гістарычныя мясціны, незабыўнай красы краявіды. Узгадваюцца радкі з верша Алеся Пісьмянкова: “Спавядацца бяжым да прыроды, ачышчацца бяжым ад маны…” І сапраўды, становіцца лягчэй на сэрцы, супакой ахінае душу. Аляксей і Алена даслалі тры здымкі. Два зроблены на былой панскай сядзібе ў Камянполлі ля канюшні і ў парку, апошні — на экалагічнай сцежцы заказніка “Ельня”. Увазе чытачоў прапануем фота ля канюшні.


 СЯМЕЙНАЕ ГНЯЗДЗЕЧКА Варонькаў у вёсцы Новае Сяло. На малой радзіме дзяўчынка Улада, якой нядаўна споўнілася тры гадкі, і яе старэйшая сястрычка Вікторыя. На адным са здымкаў Улада хаваецца пад лавачку. Дзяўчынкі любяць бавіць час на свежым паветры, з запалам далучаецца да іх хатні любімец сабака Мася. Здароваму ладу жыцця спрыяе пазітыўны агульны настрой і прырода. Блізка возера, дзе дарослыя з дзецьмі ўлетку адпачываюць. У Новым Сяле Варонькі жывуць дружнай сям’ёй!


 ЗДЫМКІ Мацвея Кукуця даслала яго маці Кацярына. Хлопчык адчувае сябе “ў сваёй талерцы” ў вёсцы Белеўцы ў дзядулі Сяргея і бабулі Таццяны. Цікавіцца ўраджаем. Тыя плады, што пад сілу малому, восенню сам складваў у кошык.Вясной па вясковых сцежках-дарожках асвойвае розны дзіцячы транспарт. Як сапраўдны мужчына, Мацвей цікавіцца тэхнікай. І ўжо ў год катаецца на аўтамабілі. Кожная сцежка ў Белеўцах яму вядомая.


Прагаласаваць за ўпадабанага канкурсанта можна ў групе “Миорские новости” ў сацыяльных сетках «Одноклассники» https://ok.ru/merskyanav/album/53727698485387 ,

«ВКонтакте» https://vk.com/album-93032809_253029529 ,

«Facebook» https://www.facebook.com/media/set/?set=oa.178876072745103&type=3 у альбоме «Фотаконкурс «Мая малая Радзіма».


МАГЧЫМА, на майскія святы вы наведалі сваіх родных. Не толькі дапамагалі з добраўпарадкаваннем і агародамі, але і зрабілі здымкі. Чакаем папаўнення нашага конкурснага альбома. Фота можна даслаць на e-mail ovishnevskaja@gmail.com ці паведамленнем у групы “Миорские новости” ў сацыяльных сетках “Вконтакте”, “Одноклассники” і на “Фейсбук” з адзнакай “На фотаконкурс”. Удзельнічаць у конкурсе могуць як жыхары Міёршчыны, так і землякі з іншых рэгіёнаў. Узрост не абмежаваны. Абавязкова ўказвайце мясцовасць, дзе зроблена фота, і хто на ім.


Ёсць у конкурсе яшчэ адна намінацыя “Жывыя ў памяці дарагія мясціны” (старыя здымкі з роднымі, радзіма продкаў). Пакуль на яе ніхто не даслаў фота. Конкурс завершыцца 31 ліпеня.

Вольга ВІШНЕЎСКАЯ. 

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

XML error in File: https://www.calend.ru/img/export/today-names.rss
XML error: at line 0

Госці краін

free counters
Партнеры сайта