Авторизация
 

Калі над Ельняй гарэў савецкі знішчальнік

 У кнізе “Скрыжалі майго маленства” ў раздзеле пад такім загалоўкам журналіст Барыс Манцэвіч апавядае пра дзіцячыя ўспаміны пачатку вайны, калі яго сям’я жыла ў Малой Кавалеўшчыне. Трэба меркаваць, былі апошнія дні чэрвеня — самы пачатак ліпеня 1941-га.

“…Асаблівае прыбліжэнне вайны мы адчулі тады, калі над нашымі галовамі разгарнуўся паветраны бой. Акупантаў яшчэ не было. З болем у сэрцы мы назіралі, як савецкі знішчальнік на брыючым палёце, аж кроны дрэў нахіліліся, уцякаў ад самалёта з чорнымі крыжамі. Гітлеравец паліваў свайго праціўніка кулямётным агнём, але таму дзякуючы спрытным манеўрам удавалася ўхіліцца…


Апынуўшыся за рэчкай Волтай над лесам, савецкі лётчык набраў вышыню. Усе з палёгкай уздыхнулі…
Ды дзе там! Услед узняўся і гітлеравец. Яны ўжо, носячыся над славутым балотам Ельня, выраўняліся. Раптам (о божухна!) чорны шлейф дыму нацягнуўся за хвастом нашага знішчальніка і ён імгненна пайшоў уніз… Праз некалькі секунд на балоце раздаўся выбух…”


Звестак з іншых крыніц пра савецкі знішчальнік, які быў падбіты ў пачатку вайны над Ельняй, не захавалася. Факт выяўлення рэшткаў самалёта не адлюстраваны ў дакументах і ўспамінах партызан, якія сталі сапраўднымі гаспадарамі навакольных лясоў на ўскрайку і самога балотнага масіву праз паўтара-два гады. Між тым у іх мог быць практычны інтарэс да баявой машыны.
Рэха выбуху на балоце Ельня данеслася да нас вельмі позна. Пра яго яшчэ хто-небудзь чуў? Каб пачынаць пошукі, патрэбны больш дакладныя звесткі.

Фота для ілюстрацыі.
Леанід МАТЭЛЕНАК.  

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 19 апреля 2021
Григорий, Иван, Павел, Петр, Севастьян, Яков

Именины 18 апреля 2021
Алексей, Георгий, Марк, Николай, Платон, Семен

Госці краін

free counters
Партнеры сайта