Гандлёвае абсугоўванне
У снежні на пасяджэнні калегіі Камітэта дзяржкантролю вобласці разгледжаны вынікі кантрольных мерапрыемстваў, праведзеных на працягу года сумесна з гандлёвай інспекцыяй па Віцебскай вобласці Міністэрства гандлю ў адносінах да гандлёвых аб'ектаў Віцебска. Было адзначана, што ў абслугоўванні арганізацый гандлю, органаў мясцовага кіравання, а таксама назіральных органаў яшчэ не наведзены належны парадак, мала ўвагі надаецца прафілактыцы правапарушэнняў. У выніку на ўсіх правераных у 2013 годзе і мінулым 2014-ым аб'ектах выяўлены парушэнні, якія цягнуць адміністрацыйную адказнасць.

Найбольшая колькасць парушэнняў (каля 70%) на працягу шэрагу гадоў прыпадае на рэалізацыю насельніцтву пратэрмінаваных тавараў. Толькі за 10 месяцаў 2014 года папярэджаны продаж нясвежых прадуктаў харчавання ў 103 з 140 правераных гандлёвых аб'ектаў Віцебска на суму 71,5 млн. рублёў.
Не прымаюцца меры па прасоўванні тавараў айчыннай вытворчасці. Набыў масавы, некантралюемы характар незаконны гандаль прамысловымі таварамі і прадуктамі харчавання, у тым ліку ўвезеных з-за межаў рэспублікі.

За дапушчаныя парушэнні ў выніку праверак гандлёвых аб'ектаў Віцебска да адміністрацыйнай адказнасці прыцягнуты 173 чалавекі на суму 69,2 млн. рублёў, да дысцыплінарнай — 156, накладзены адміністрацыйныя штрафы на 41 суб'ект гаспадарання ў суме 283,7 млн. рублёў. Вызвалены ад займаемых пасад загадчыцы магазіна "Гермес" КТУП "Віцебская універсальная база" і магазіна ЧТУП "Віткамплект", якія на працягу года дапусцілі паўторныя парушэнні.

З мэтай вырашэння набалелай праблемы несанкцыянавага гандлю Віцебскаму гарвыканкаму, УВД аблвыканкама, ІМНС Рэспублікі Беларусь па вобласці, абласному цэнтру гігіены і эпідэміялогіі і грамадскага здароўя даручана прыняць меры па папярэджанні гандлю ва неўстаноўленых месцах, выяўленні ўласнікаў і месц складзіравання "нелегальных" тавараў прамысловасці, а таксама забяспечыць правядзенне рэгулярных рэйдаў і кантроль за падпарадкаваннем заканадаўству.
Прызначэнні
22 снежня 2014 года першым намеснікам старшыні Камітэта дзяржкантролю Віцебскай вобласці прызначаны Данілаў Вячаслаў Нікіфаравіч. Да гэтага ён працаваў на пасадзе старшыні Аршанскага міжраённага камітэта дзяржаўнага кантролю.