Показатели развития

Распараджэннем райвыканкама ўстаноўлены паказчыкі сацыяльна-эканамічнага развіцця раёна, асноўных галін народнай гаспадаркі і прадпрыемстваў на 2014 год. У прыватнасці, вытворчасць прамысловай прадукцыі па індэксе фізічнага аб'ёму сёлета павінна скласці 110,5%, а рэнтабельнасць продажу — 10%. Удзе-льную вагу адгружанай інавацыйнай прадукцыі трэба павялічыць на 21%, а запасаў гатовай прадукцыі —  на 15-18%.

 

Заданні па росце экспарту тавараў — 17%, а паслуг — 8%. Яны даведзены адпаведна 18 і 3 дзяржаўным і прыватным прадпрыемствам. Знешнеэканамічнай дзейнасцю будуць займацца: па экспарце тавараў  — мясакамбінат, ІП М. М. Шокель і ТАА "СнабСельгасТэхніка", па экспарце паслуг —  санаторый "Расінка", ЦРБ, ТАА "Абстэрна", раённая структура таварыства паляўнічых і рыбаловаў, прыватнае прадпрыемства "МПТК Транс" і ТАА "АУМІКА".

Прамыя замежныя інвестыцыі на чыстай аснове запланаваны ў 10 млн. долараў на ўзвядзенне металургічнага завода, а рост інвестыцый у асноўны капітал — на 25%, прытым большая частка гэтых укладанняў намячаецца на набыццё машын, абсталявання і транспарту.

 

Задача сельскай гаспадаркі — павялічыць аб'ёмы валавой прадукцыі на 6%. Трэба ўвесці ў эксплуатацыю 4200 квадратных метраў жылля, у асноўным за кошт індывідуальных забудоўшчыкаў, павялічыць тавараабарот на 20%.

Арыенцір для росту заробку — 4477 тыс. рублёў у сярэднім у месяц пры выручцы ад рэалізацыі прадукцыі (тавараў, работ, паслуг) на аднаго працуючага за год у 254,2 млн. рублёў.

 

Вызначаны параметры энегазберажэння і зніжэння матэрыялаёмістасці.

Непасрэдна перад мясакамбінатам пастаўлена задача павялічыць выпуск вараных каўбас і сасісак з сардэлькамі на 7%, паўвэнджаных каўбас — на 16%, гатовых страў са свініны — на 10%.

Камбікормавы завод абавязаны нарасціць аб'ёмы кармоў для буйной рагатай жывёлы на 20%.

 

Да кожнай гаспадаркі даведзены заданні па вытворчасці асноўных відаў прадукцыі. Так, зерня і зернебабовых неабходна намалаціць 68 тыс. тон,  накапаць 5 тыс. тон бульбы, сабраць 8 тыс. тон насення рапсу. Заданне па вырошчванні лёну — 1069 т валакна. Надой павінен скласці 41,6 тыс. тон, а рэалізацыя мяса — 6121 т.

 

Падрыхтаваў Леанід МАТЭЛЕНАК.

0 комментариев

Добавить комментарий

Информация
Комментировать статьи на сайте возможно только в течении 360 дней со дня публикации.