Авторизация
 

На тэрыторыі Завуццеўскага сельсавета адбыўся чарговы Дзень інфармавання

 Тры інфармацыйна-прапагандысцкія групы райвыканкама правялі сустрэчы ў працоўных калектывах і з насельніцтвам па месцы жыхарства ў ходзе Дня інфармавання, які адбыўся 19 жніўня на тэрыторыі Завуццеўскага сельсавета.

 

Старшыня райвыканкама завітаў да аграрыяў у СУП «Цітова». Першай тэмай абмеркавання стала «Вялікая размова» з Прэзідэнтам. Ігар Кузняцоў звярнуў увагу, што яна была праўдзівая і даверлівая. Закрануты практычна ўсе аспекты жыцця Беларусі за апошні год: выбары і падзеі пасля іх, эканоміка, барацьба з кавідам, міжнародныя адносіны і іншае.

 
– Шмат перажыта за мінулы перыяд, аднак у чарговы раз пацвер- дзілася, што наша краіна мірная, працавітая, вернуты спакой на яе вуліцы, – адзначыў Ігар Валер’евіч. – Усе мы сталі сведкамі санкцыённай палітыкі, накіраванай на разбурэнне эканомікі, а разам з тым на падрыў узроўню жыцця простых людзей. Кіраўнік дзяржавы паставіў задачу – выстаяць. Дзякуючы разумнай палітыцы захоўваецца магчымасць паўнацэнна жыць і зарабляць, па-ранейшаму дзейнічае шырокі пакет сацыяльнай падтрымкі самых розных слаёў насельніцтва. Таму праблемы не адчуваюцца. Наша задача – працягваць плённа працаваць.

 
Заўсёды разлічвалі толькі на сябе і трымаліся зямлі-карміцелькі аграрыі СУП «Цітова». Убіраюць хлеб, рыхтуюць глебу пад новы ўраджай, працуюць на сваіх прысядзібных надзелах, будуюць планы. Зямля і радзіма – непадзельныя паняцці. Сяльчане цэняць спакой як адну з умоў стваральнай працы.

 
Старшыня райвыканкама падзякаваў цітоўцам за ўмелае гаспадаранне. Тут здаўна прыпісаліся чысціня, парадак і працоўная дысцыпліна. Якасна арганізавана ўборачная кампанія, даўно гатовы да зімова-стойлавага перыяду комплексы. Як вядома, хлеб і малако – галоўныя прадукты, якія не дадуць прапасці. У «Цітове» берагуць і цэняць усё, што маюць, імкнуцца да большага. Задачы распісаны на далёкую перспектыву і згодна з Указам № 70 «Аб развіцці аграпрамысловага комплексу Віцебскай вобласці», які закліканы вырашыць назапашаныя дзесяцігоддзямі праблемы сельскай гаспадаркі. Будуць выдаткоўвацца бюджэтныя сродкі на рэканструкцыю жывёлагадоўчых памяшканняў.
Аднак і ў належных умовах працы калектывы не заўсёды аддаюцца рабоце на поўную моц. На жаль, не дае жаданых вынікаў сучасны комплекс «Карпачова», у чым вінаваты праславуты чалавечы фактар, нізкая тэхналагічная і выканаўчая дысцыпліна. Гэтыя праблемы ўжо не вырашацца ўгаворамі, старшыня райвыканкама будзе прымаць больш жорсткія меры.

 
 У цэлым працоўныя калектывы раёна імкнуцца захаваць і памножыць набытае. Выконваюцца даведзеныя прагнозныя паказчыкі. Па некаторых зафіксаваны значны рост, у чым заслуга завода па вытворчасці металічнага ліста і белай бляхі, які ў першым паўгоддзі працаваў у рэжыме пуска-наладкі. Многія цікавяцца яго далейшым лёсам цяпер, калі кіраўніцтва знаходзіцца пад следствам. Ігар Кузняцоў спадзяецца, што на ўсе пытанні праваахоўных органаў яны дадуць вычарпальныя адказы і ў хуткім часе вернуцца на свае працоўныя месцы. Пакуль да 15 верасня па аб’ектыўных прычынах работа тут пастаўлена на паўзу.

 
захоўваецца спакойная сітуацыя па распаўсюджанні каронавіруснай інфекцыі. У стацыянары хворых няшмат. Аднак несуцяшальныя прагнозы медыкаў на асенні перыяд. На нядаўнай сесіі раённага Савета было прынята рашэнне дадаткова выдзеліць на ахову здароўя 1 мільён 100 тысяч рублёў, каб падрыхтавацца да бесперабойнага лячэння хворых. Старшыня райвыканкама звярнуў увагу на меры прафілактыкі. У барацьбе з хваробай дапаможа вакцынацыя. У кожным калектыве і сям’і павінны задумвацца пра тое, што прышчэпка не проста захавае здароўе, засцеражэ блізкіх і акружаючых, але і выратуе жыцці.

 
Шмат прадпрымаецца для таго, каб людзям жылося камфортна, усе маглі працаваць і выхоўваць дзяцей у нармальных умовах. Як звярнуў увагу кіраўнік раёна, у сельскай мясцовасці вырасла колькасць жадаючых выкарыстоўваць электраэнергію для патрэб ацяплення дома і гарачага водазабеспячэння. Заявы задавольваюцца, але не ўсе па прычыне неўдасканалення электрасетак. З’явіліся і скаргі на гэты конт, але без рэканструкцыі праблема не вырашыцца. На дзяржаўным узроўні распрацаваны план работ на пяць гадоў. У цэнтры першачарговай увагі населеныя пункты, дзе электрычныя сеткі маральна і фізічна ўстарэлі. Аднак перспектыўныя планы рэканструкцыі будуць фарміравацца і з улікам зваротаў грамадзян на месцах. Дзе іх больш, там найхутчэй павялічыцца прапускная здольнасць электрычных сетак. 

 

Наталія СТАНКЕВІЧ

Фотаматэрыял аўтара.

рейтинг: 
Пакінуць каментар
иконка
Посетители, находящиеся в группе Гости, не могут оставлять комментарии к данной публикации.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 18 мая 2022
Адриан, Ирина, Яков

Именины 17 мая 2022
Иван, Исаакий, Кирилл, Климент, Леонтий, Никита, Николай, Мария, Пелагея

Госці краін

free counters
Партнеры сайта