Супрацоўнікі аддзялення ДАІ РАУС сумесна з прадстаўнікамі ўпраўлення сельскай гаспадаркі і харчавання, інспекцыяй Дзяржтэхнагляду па Віцебскай вобласці з 1 па 10 красавіка праводзяць дэкаду «Увага! Самаходныя машыны і трактары».
Аб’ектам увагі падчас дэкады стала трактарная тэхніка, што эксплуатуецца суб’ектамі гаспадарання і індывідуальнымі ўласнікамі. Усе трактары, міні-трактары, у тым ліку самаробныя, належаць рэгістрацыі ў інспекцыі Дзяржтэхнагляду. Інакш іх удзел у дарожным руху забаронены.
Кіроўцы абавязаны мець пасведчанне трактарыста-машыніста адпаведнай катэгорыі, трымаць транспартны сродак у спраўным стане, сачыць за чысцінёй шкла і знешніх светлавых прыбораў. На дарогах агульнага карыстання не месца трактарам, у якіх светлавыя прыборы няспраўныя ці адсутнічаюць.
Самаходныя машыны – гусенічныя трактары, сельскагаспадарчыя, дарожныя, будаўнічыя і іншыя машыны – без дадатковых мер бяспекі, прадугледжаных заводам-вытворцам, не прызначаны для ўдзелу ў дарожным руху. Падчас руху самаходнай машыны павінен быць уключаны маячок аранжавага колеру.
Аляксандр САВЕЙКА, старшы дзяржаўтаінспектар аддзялення ДАІ РАУС.
Фота для ілюстрацыі.
Ближайшие праздники Беларуси
Ближайшие православные праздники
Ближайшие католические праздники
для слабовидящих 
