Авторизация
 

На мінулым пасяджэнні райвыканкама падвялі вынікі сацыяльна-эканамічнага развіцця арганізацый Міёршчыны

 На парадку дня пасяджэння райвыканкама, якое адбылося ў мінулую пятніцу, значыліся чатыры пытанні. Усе важныя. Вынікі сацыяльна-эканамічнага развіцця арганізацый Міёршчыны, уцягненне ў гаспадарчы абарот невыкарыстоўваемай дзяржаўнай маёмасці, ліквідацыя запазычанасці па арэнднай плаце. І задачы па гэтых накірунках дзейнасці на 2021 год.

 

Шмат належыць зрабіць па добраўпарадкаванні і навядзенні парадку на зямлі. Толькі штодзённая напружаная праца ўсіх служб, сельвыканкамаў, гаспадарак, насельніцтва дазволіць Міёршчыне стаць больш прывабнай, прыгожай, камфортнай. У абмеркаванні пытанняў удзельнічаў дэпутат Палаты прадстаўнікоў Нацыянальнага сходу Рэспублікі Беларусь па Полацкай сельскай выбарчай акрузе № 28 Мікалай ШАЎЧУК.

 

Пасеяць у тэрмін

Бадай, найважнейшая цяпер тэма падрыхтоўкі сельгасарганізацый да вясенне-палявых работ. Гэта кампанія – своеасаблівы экзамен не толькі для працаўнікоў сяла, але і для ўсяго раёна. Ад таго, наколькі паспяхова яна пройдзе, залежыць выкананне харчовай праграмы краіны, а значыць, і ўсяго нашага дабрабыту.

 
Намеснік начальніка ўпраўлення па сельскай гаспадарцы і харчаванні райвыканкама Дзмітрый Міхалкіў прадставіў рабочы план мерапрыемстваў. Згодна з ім сёлета насеннага матэрыялу хапае. Падрыхтавалі 2 835 тон зерневых і зернебабовых, што складае 127 % ад патрэбы з уключэннем страхавога фонду. У тым ліку – 309 пшаніцы, 965 – ячменю, 893 тон аўсу і 668 – зернебабовых. У ААТ «Туркова», «Папшулі», «Пад’ельцы», «Мерыца», філіяле «Павяцце» СУП «Чэрасы» сфарміраваны рэзервовы фонд. Не стае насення зернебабовых у ААТ «Мікалаёўскі», «Папшулі», КУП «Язна». Лішкі ёсць у ААТ «Мерыца», «Пад’ельцы», філіяле «Павяцце» СУП «Чэрасы».

 

Трэба больш бульбы

Разам з тым, у раёне плануюць палепшыць рэпрадукцыйны склад яравых, даставіўшы 143 тоны элітнага насення з эксперыментальных баз вобласці. Трэба дакупіць насенне шматгадовых траў, каб засеяць пашы і правесці перазалужэнне на плошчы агульным аб’ёмам 8,4 тысячы га. Малавата і бульбы. Пры патрэбе 160 тон у засеках толькі 106. Яе мяркуюць набыць на Талачынскім кансервавым заводзе.

 
Вялікае значэнне для павышэння ўраджайнасці мае нарыхтоўка мінеральных угнаенняў. Сельскагаспадарчыя арганізацыі раёна назапасілі іх 302 тоны, што складае 4 % ад патрэбы. Азотных – 153,8 тоны, а гэта 6 % ад неабходнага. У цэлым на набыццё ўгнаенняў патрэбна 7 198 рублёў, у тым ліку азотных 4 683. Іх будуць купляць у Віцебскім аблаграсэрвісе.

 

І тысячу тон саляркі

Для правядзення сяўбы ў агратэхнічныя тэрміны спатрэбіцца надзейны аўтапарк. У сельгасарганізацыях раёна 367 трактараў, з якіх 62 энерганасычаныя. Іх гатоўнасць да работы складае 85 %. Яшчэ не вярнуліся з рамонту рухавікі «Беларусаў». Своечасова стараюцца давесці да ладу тэхніку ў СУП «Цітова», ААТ «Туркова», «Любінова», райаграсэрвісе, філіяле «Павяцце». Аднак некаторыя гаспадаркі за гэту работу яшчэ не браліся. З пачатку рамонтнага перыяду на абслугоўванне тэхнікі затрацілі 266 тысяч рублёў, усяго неабходна 704.

 
Для правядзення пасяўной кампаніі ў тэрмін неабходна закупіць 1 013 тон дызельнага паліва на суму 1 469 рублёў ці ўсіх гаруча-змазачных матэрыялаў на 1 770,7 тысячы рублёў. Старшыня райвыканкама Ігар Кузняцоў яшчэ раз нагадаў, што вясенняя пасяўная не за гарамі, таму ўсе пытанні палявых работ павінны вырашацца аператыўна.

 

Наталія СТАНКЕВІЧ

Фота з архіваў рэдакцыі.

рейтинг: 
Пакінуць каментар
иконка
Посетители, находящиеся в группе Гости, не могут оставлять комментарии к данной публикации.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 18 мая 2022
Адриан, Ирина, Яков

Именины 17 мая 2022
Иван, Исаакий, Кирилл, Климент, Леонтий, Никита, Николай, Мария, Пелагея

Госці краін

free counters
Партнеры сайта