Госконтроль: выявлены факты неэффективного использования земельных участков

 Выяўлены факты неэфектыўнага выкарыстання зямельных участкаў, прадастаўленых для вядзення сялянскай (фермерскай) гаспадаркі ў Браслаўскім і Глыбоцкім раёнах. 

 

Звыш дзевяці гадоў таму кіраўнік сялянскай (фермерскай) гаспадаркі на Браслаўшчыне вырашыў ліквідаваць яе і ў сувязі з гэтым добраахвотна адмовіцца ад надзелаў. У красавіку 2011 года Браслаўскі райвыканкам прыняў рашэнне аб спыненні правоў на валоданне пяццю ўчасткамі плошчай 7,5 га. Іх належала перадаць у склад земляў сельсавета.

 

Землекарыстальніку даручылі зрабіць дзяржаўную рэгістрацыю спынення існавання зямельных надзелаў і права пажыццёва спадчыннага валодання імі. Аднак гэтага не выканаў. Да таго ж, перастаў плаціць падатак на зямлю. Без догляду яна парасла пустазеллем і кустамі. Юрыдычна зямля мае свайго гаспадара, яму і давядзецца заплаціць падатак на зямлю за 2011 – 2020 гады. Браслаўскаму райвыканкаму трэба цяпер вышукваць сродкі для рэкультывацыі запушчаных земляў і ўзнаўлення іх урадлівасці.

 
У Глыбоцкім раёне адна з сялянскіх (фермерскіх) гаспадарак са снежня 2015 года не выкарыстоўвае зямельны надзел плошчай каля 0,5 га, які ў выніку зарос пустазеллем, кустамі і забалоціўся. Больш таго, дапушчана самавольнае заняцце звыш 0,4 га пад загон для жывёл у вёсцы Забелле. У да- дзеным выпадку таксама сялянскай (фермерскай) гаспадарцы будзе даналічаны падатак на зямлю. Абодвух землекарыстальнікаў прыцягнуць да адміністрацыйнай адказнасці за невыкананне патрабаванняў па ахове земляў, а таксама за самавольнае іх заняцце.

 

Бюджэт не далічыўся сумы

Прыняты дадатковыя меры па спагнанні і пералічэнні ў бюджэт сродкаў за аказаныя адміністрацыйныя працэдуры ў сельскагаспадарчай галіне. Так, згодна з заканадаўствам пры выдачы ў ветстанцыях ветэрынарных пасведчанняў ці сертыфікатаў прадугледжана аплата заяўніка, якая павінна залічвацца ў даход мясцовых бюджэтаў. Аднак у Браслаўскім, Гарадоцкім, Міёрскім і Шаркаўшчынскім раёнах асобныя арганізацыі сродкі за ажыццяўленне адміністрацыйных працэдур не пераводзілі. У выніку мясцовыя бюджэты недаатрымалі звыш 20 тысяч рублёў. Суб’екты – заяўнікі адміністрацыйных працэдур ужо выпраўляюць выяўленыя парушэнні. У бюджэт пералічылі каля 9 тысяч рублёў.

 

Жылі-былі не плацілі

Полацкі міжраённы камітэт дзяржаўнага кантролю прыняў меры па папярэджанні парушэнняў заканадаўства асобнымі таварыствамі ўласнікаў пры налічэнні і выкарыстанні сродкаў жыльцоў, вылічаных на капітальны рамонт жыллёвага фонду.

 

Згодна з заканадаўствам, капітальны рамонт належыць да асноўных жыллёва-камунальных паслуг па ўзнаўленні фізіка-тэхнічных, эстэтычных і спажывецкіх якасцей жылога дома, яго канструкцыйных элементаў, інжынерных сістэм, страчаных у працэсе эксплуатацыі. Спажывец абавязаны іх аплачваць. Аднак у трох таварыствах уласнікаў, якія самастойна ажыццяўлялі тэхнічнае абслугоўванне і налічвалі плату за жыллёва-камунальныя паслугі, па капітальным рамонце ў перыяд з сакавіка 2017 года па сакавік 2020-га разлікаў не зрабілі. Спецыяльнага рахунку для акумулявання сродкаў ад аплаты не адкрылі. У склад таварыстваў уласнікаў уваходзіла па адным жылым доме. Усяго ў іх 188 кватэр, агульная плошча якіх – 10391,9 м2.

 
У ходе маніторынга жыхарам дома налічылі плату за капітальны рамонт у суме звыш 26,8 тысячы рублёў. У красавіку – кастрычніку бягучага года на рахунак Полацкага райвыканкама паступілі звыш 23,4 тысячы. Пагашэнне астатняй запазычанасці застаецца на кантролі.

 

Фота для ілюстрацыі.

0 комментариев

Добавить комментарий

Информация
Комментировать статьи на сайте возможно только в течении 360 дней со дня публикации.