Авторизация
 

Аб малым і сярэднім прадпрымальніцтве бяседавалі ў Міёрскім райвыканкаме

 Немалаважная роля ў эканоміцы раёна адводзіцца малому і сярэдняму бізнесу. Прадпрымальніцкі сектар актыўна асвойвае сферу паслуг, гандлю, вытворчасці. На нарадзе ў райвыканкаме прааналізавалі сітуацыю на рынку прадпрымальніцтва.

Пры раённым выканаўчым камітэце дзейнічае Саюз прадпрымальнікаў. У яго ўваходзяць найбольш актыўныя і ініцыятыўныя суб’екты гаспадарання Міёршчыны. На чале са старшынёй Дзмітрыем Грыгаровічам вядуць дыялог з органамі мясцовага кіравання. Супрацоўніцтва ўзаемавыгаднае: з аднаго боку – стварэнне аптымальных умоў і юрыдычная падтрымка бізнесу, растлумачэнне норм і правоў, з другога – папаўненне бюджэту раёна, новыя рабочыя месцы, уклад у развіццё рэгіёну.


Несумненны плюс маленькага гарадка для прыватнага бізнесу – льготнае падаткаабкладанне, адзначае начальнік аддзела эканомікі Раіса Лакотка. У дапамогу прадпрымальным грамадзям Дэкрэт № 7, Указ № 345.


У раёне зарэгістраваны 301 індывідуальны прадпрымальнік. З іх 277 дзеючых, 24 знаходзяцца на стадыі ліквідацыі. Асноўная прычына закрыцця прыватнага бізнесу – неўсведамленне сваіх магчымасцей і рызыкі. Некаторыя пачынаюць уласную справу імгненна. Прыходзяць рэгістравацца і лічаць, што з паловай праблем ужо справіліся. Хаця да канца не вызначыліся, у якой сферы рэалізавацца. Вабіць перспектыва працаваць на сябе, падтрымка мясцовай улады. Неабходна дакладна ўяўляць, што адтэрміновак і часу на роздумы не будзе.


Па інфармацыі намесніка старшыні райвыканкама Алены Шалонька, на Міёршчыне адносна невысокая шчыльнасць прадпрымальніцкага сектара – 4,4 на 1000 чалавек. Для прыкладу, па Віцебскай вобласці – 7,5. З 21 раёна займаем 18 месца разам з Верхнядзвіншчынай. Калі браць сярэдні бізнес, на 1000 чалавек у вобласці даводзіцца 18 прадпрыемстваў, у нас – толькі 12,4.
У структуры прыватнага бізнесу Міёршчыны каля 50 % суб’ектаў займаюцца гандлем, 40 % аказваюць паслугі, 8 – 9 % маюць уласную вытворчасць. У сярэднім прадпрымальніцтве сітуацыя падобная: 50 % – гандаль, 42 – 43 % – паслугі, вытворчасцю займаюцца адзінкі. Паступленні ў мясцовы бюджэт складаюць 18 – 22 % ад агульнай колькасці падаткаў.


Пра рэалізацыю праекта «Разам для грамады і прыроды: умацаванне працэсу развіцця ў Міёрскім раёне праз супрацоўніцтва мясцовай улады і грамадзянскай супольнасці» гаварыла каардынатар Надзея Дударонак. Яго асноўная мэта – дабрабыт і развіццё раёна праз узаемадзеянне ўлады, бізнесу і насельніцтва. Плён такога супрацоўніцтва ўбачым на фестывалі «Жураўлі і журавіны Міёрскага краю». Спецыяліст акрэсліла праблемы ў арганізацыі, заклікала паўдзельнічаць і дапамагчы разнастаіць свята, надаць яму экалагічны накірунак.


Найперш неабходна стварыць брэндавую сувенірную прадукцыю з лагатыпам фестывалю і наогул Міёршчыны. Не хапае пляцовак і месц для сямейнага адпачынку. Зацікавіць дзяцей і дарослых, асабліва прыезджых, магчымасць пабыць на прыродзе.
Начальнік аддзела архітэктуры і будаўніцтва, жыллёва-камунальнай гаспадаркі Жанна Падаляка прасіла клапаціцца пра чысціню і эстэтыку. Не абмяжоўвацца тэрыторыяй ля сваіх гандлёвых аб’ектаў. Добраўпарадкоўваць Міёршчыну, па магчымасці дапамагаць яе пераўтвараць.


Суб’екты гаспадарання таксама неабыякавыя да праблем раёна і ўносяць пасільны ўклад у яго развіццё. Дырэктар рынка Аляксандр Гаравец прапанаваў аб’яднацца і стварыць дзіцячую пляцоўку для катання на скейтбордзе, роліках. Гэта стане прыемным і патрэбным падарункам гораду.


Прыватны бізнес набірае абароты. Задача мясцовай улады – стварыць для гэтага аптымальныя ўмовы. Разам працаваць на імідж роднага краю, праяўляць грамадзянскую адказнасць і ўдзельнічаць у агульнай справе. Новымі вытворчасцямі, фінансавай падтрымкай, свежымі ідэямі.

Фота для ілюстрацыі.

Алена ВАРОНІНА.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 18 апреля 2021
Алексей, Георгий, Марк, Николай, Платон, Семен

Именины 17 апреля 2021
Адриан, Вениамин, Георгий, Иван, Иосиф, Никита, Николай, Федор, Мария

Госці краін

free counters
Партнеры сайта