Авторизация
 

Андрэй ЮНІЦЫН сустрэўся з насельніцтвам Туркоўскага сельвыканкама

 Андрэй ЮНІЦЫН з пары выбрання яго дэпутатам Палаты прадстаўнікоў Нацыянальнага сходу Рэспублікі Беларусь па Полацкай выбарчай акрузе №28 правёў прыём грамадзян у шасці сельвыканкамах Міёрскага раёна. 11 красавіка сустрэўся з жыхарамі Туркоўскага. Да яго звярнуліся абмеркаваць асабістыя  праблемы і некаторыя грамадскія пытанні. 

Паўлу Латушку 88 гадоў. Бадзёры, гаваркі, ведае апошнія рэспубліканскія навіны, прыводзіць цытаты з выступленняў Прэзідэнта. Павел Фёдаравіч называе сябе гарадскім вяскоўцам. Прапісаны ў Наваполацку, там 25 гадоў служыў пажарным-выратавальнікам, ёсць кватэра. У Красноўцах, дзе цяпер хутар, стаіць бацькоўская хата. Яе даглядае і актыўна выкарыстоўвае ў вясенне-асенні час. Звярнуцца да дэпутата прымусіла спрадвечная праблема  — бездарожжа. У створаных сельскагаспадарчай тэхнікай ямах стаіць вада. Да роднага куточка складана дабірацца пешшу. Не праедзе тут транспарт сацыяльнага прызначэння. Нават магутная тэхніка цяпер скіроўваецца ў аб’езд.


Дарога ў накірунку да хутара на балансе ДРБУ-203, найбольш праблемны ўчастак — праз вёску Пруды. Павел Фёдаравіч звяртаўся на розныя адрасы. Яе неаднаразова грэйдавалі. У сухое надвор’е сітуацыя цярпімая, у непагадзь — праблема абвастраецца.


Як патлумачыў старшыня Туркоўскага сельсавета Пётр Ціхановіч, гэта пытанне на кантролі мясцовай улады. Падсохне, і дарожнікі адразу возьмуцца рамантаваць праезд да хутара.


Заклапочаны Павел Латушка, што ў сераду і чацвер зачынена зала чакання Дзісенскага аўтавакзала. Нярэдка карыстаецца грамадскім транспартам і назірае праз вакенца аўтобуса, як людзям некуды падзецца паміж перасадкамі. Ад холаду і ападкаў імкнуцца схавацца ў непадалёк размешчаным аддзяленні пажарнай часці. На колькі вострае гэта пытанне, парламентарыю давядзецца разабрацца.
Яўген Сівы з вёскі Хоцькава цікавіўся, чаму пры пастаянным росце цэн памеры пенсій застаюцца нязменнымі. Не так даўно аўдавеў. З гадаванцаў пакінуў толькі трусоў. Цяпер лічыць кожную капейку, купляе прадукты ў Полацку, дзе жывуць дочкі. Там, на думку Яўгена Леанідавіча, танней, чым у аўталаўцы. Не разумее ён, чаму сельскаму жыхару абыходзяцца тавары даражэй, чым гараджаніну.
Па-першае, вяскоўцу патлумачылі, што адзіная крыніца фінансавання пенсіённых выплат — страхавыя ўзносы. Гэта адлічэнні з фонду заработнай платы ў дзяржаўны пазабюджэтны фонд сацыяльнай абароны насельніцтва. Таму пенсіі выплочваюцца зыходзячы са сродкаў, якія мае пенсіённая сістэма. У краіне яны складаюць не менш за 40% ад сярэдняга заробку. Гэтай нормы прытрымліваюцца. Згодна з законам, мінімальныя працоўныя і сацыяльныя пенсіі пераразлічваюцца, індэксуюцца два разы ў год.


Што да цэн, то ў вялікіх гарадах за кошт жорсткай канкурэнцыі паміж гандлёвымі сеткамі яны, сапраўды, крыху адрозніваюцца. Сяло забяспечвае галоўны дзяржаператар — Белкаапсаюз. Пры выкананні сацыяльнай функцыі па абслугоўванні вяскоўцаў ён не заўсёды мае прыбытак, асабліва ў маланаселеных пунктах. На гэтай падставе і фарміруюцца цэны на аптовыя закупкі, рэалізацыю тавараў.


Старшыню сельсавета хвалюе, як спілаваць непатрэбнае дрэва ці выдаліць кустоўе і не атрымаць штраф. Як заўважыў Андрэй Юр’евіч, прапановы па ўдасканаленні заканадаўчай дзейнасці па пытаннях аховы расліннага свету ўжо абмеркавалі ў Парламенце. Унясуць папраўкі. Пакуль трэба працаваць у тых умовах, якія ёсць.


Намеснік старшыні райвыканкама Таццяна Стальмачонак звярнула ўвагу на яшчэ няўстойлівую сувязь мабільнага аператара МТС у некаторых населеных пунктах раёна. Тут трэба разабрацца.


Наогул, да парламентарыя пытанняў паступіла няшмат. Нядаўна з жыхарамі Туркоўскага сельсавета сустракаліся інфармацыйныя групы райвыканкама, прыём грамадзян вяла старшыня раённага Савета дэпутатаў. Многія праблемы вяскоўцаў вырашаны, некаторыя ўзяты на кантроль.


У курсе сваіх праблем трымаюць мясцовыя жыхары і дэпутата раённага Савета па Туркоўскай выбарчай акрузе №30, начальніка раённага вузла электрасувязі Рамана Пухальскага. Ён нярэдкі госць у сельсавеце, праводзіць прыём грамадзян па графіку. Завітаў і на сустрэчу з Андрэем Юр’евічам, каб пацікавіцца, якія праблемы даверылі сяльчане дэпутату Палаты прадстаўнікоў. 

Фота Казіміра БЛАЖЭВІЧА.

Наталія СТАНКЕВІЧ.

рейтинг: 
Пакінуць каментар
иконка
Каментаваць артыкулы на нашым сайце магчыма толькі ў плыні 360 дзён з дня публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 96 379
  • 0

Інвестыцыйны форум

  • 23 сентябрь 2011, 10:05
  • 77 146
  • 1

Злавілі рыбку, ды… залатую

  • 28 февраль 2011, 16:16
  • 48 832
  • 0

Пераброддзе 2012. Погляд вучонага

  • 31 август 2012, 15:19
  • 39 354
  • 0

  • 11 февраль 2011, 11:20
  • 38 096
  • 0

Кандыдатамі жадаюць стаць

  • 21 август 2012, 15:30
  • 35 233
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 24 205
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 26 апреля 2019
Георгий, Дмитрий, Марфа

Именины 25 апреля 2019
Василий, Давид, Иван, Сергей, Мария, Марфа

Госці краін
free counters
Партнеры сайта