Авторизация
 

Скажэнне дадзеных недапушчальна

 За мінулы год работнікі Галоўнага статыстычнага ўпраўлення Віцебскай вобласці правялі 284 інструктыўныя семінары і 383 "круглыя сталы". Паўдзельнічалі ў 33 семінарах, арганізаваных органамі дзяржаўнага кіравання. Галоўнае статыстычнае ўпраўленне Віцебскай вобласці згодна Закона Рэспублікі Беларусь ад 28 лістапада 2004 г. №345-З "Аб дзяржаўнай статыстыцы" прымае ўсе неабходныя меры па забеспячэнні органаў дзяржаўнага кіравання дакладнай афіцыйнай статыстычнай інфармацыяй.

Работнікам суб'ектаў гаспадарання, якія адказваюць за састаўленне і прадастаўленне дзяржаўнай статыстычнай справаздачнасці, растлумачвалі ўказанні па запаўненні форм. Асаблівую ўвагу надавалі адпаведнасці прадстаўленых дадзеных вынікам лагічнага і арыфметычнага кантролю. Рэспандэнты даведаліся пра свае правы і абавязкі, меры адміністрацыйнай адказнасці, прадугледжаныя заканадаўствам за парушэнне парадку прадастаўлення дзяржаўнай статыстычнай справаздачнасці.


Кансультуем рэспандэнтаў па пытаннях запаўнення форм дзяржаўнай статыстычнай справаздачнасці. Накіроўваем лісты з інструкцыямі і інфармацыяй. Летась іх было 801 па тэрмінах, якасці і парадку прадастаўлення справаздачнасці, і 131 — у рамках інфармацыйна-папераджальнай дзейнасці.


Галоўнае ўпраўленне ўзаемадзейнічае з Віцебскім абласным упраўленнем Дэпартамента дзяржаўнай інспекцыі працы Міністэрства працы і сацыяльнай абароны Рэспублікі Беларусь. Мэта — папярэджанне парушэнняў арганізацыямі, якія несвоечасова выплочваюць заработную плату, парадку прадастаўлення формы дзяржаўнай статыстычнай справаздачнасці 12-т.
Нягледзячы на праводзімыя мерапрыемствы, рэспандэнты ўсё ж парушаюць справаздачную дысцыпліну. Факты скажэння дадзеных выяўляюцца ў ходзе праверак.


Летась у арганізацыях Віцебшчыны праведзены 92 праверкі. Супастаўлены формы па статыстыцы фінансаў, цэн, працы, прамысловасці, сельскай гаспадаркі, інвестыцый і будаўніцтва, гандлю, транспарта, паслуг і паліўна-энергетычнага комплексу. Скажэнні дзяржаўнай справаздачнасці выяўлены ва ўсіх арганізацыях. Найбольш — па статыстыцы працы, гандлю, інвестыцый і будаўніцтва, сельскай гаспадаркі і фінансаў. У суд перададзены 99 пратаколаў ад адміністрацыйных правапарушэннях. 94 асобы, адказныя за справаздачнасць, аштрафаваны на 23 575 рублёў.


У рэспандэнтаў ёсць праблемы з запаўненнем форм дзяржаўнай статыстычнай справаздачнаці. Найбольш тыповыя: нізкая выканаўчая дысцыпліна і кваліфікацыя кадраў, частая змена работнікаў, якія адказваюць за справаздачнасць, няўважлівае вывучэнне ўказанняў па запаўненні форм.


Каб даць прававую ацэнку дзеянням або бяздзейнасці службовых асоб арганізацый, матэрыялы па 21 праверцы накіроўваліся ў гарадскія і раённыя аддзелы Следчага камітэта. Па двух узбуджаны крымінальныя справы. Пракуратура г. Віцебска прыцягнула да адміністрацыйнай адказнасці дырэктара і галоўнага бухгалтара аднаго з прадпрыемстваў. Шумілінскі раённы аддзел Следчага камітэта аштрафаваў дырэктара праверанай арганізацыі.


Устаноўлены выпадкі несвоечасовага прадастаўлення статыстычнай справаздачнасці або яе непрадастаўлення. Складзены і перададзены ў суд 33 пратаколы ў адносінах службовых асоб, якія дапусцілі парушэнні.
Неабходна прыняць дадатковыя меры па забеспячэнні належнага вядзення пярвічнага бухгалтарскага ўліку ў арганізацыях і недапушчэнні скажэння дадзеных дзяржаўнай статыстычнай справаздачнасці.

Фота для ілюстрацыі.
Юрый МАСКАЛЁЎ, начальнік Галоўнага статыстычнага
ўпраўлення Віцебскай вобласці.

рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 93 446
  • 0

Інвестыцыйны форум

  • 23 сентябрь 2011, 10:05
  • 68 631
  • 1

Пераброддзе 2012. Погляд вучонага

  • 31 август 2012, 15:19
  • 34 750
  • 0

  • 11 февраль 2011, 11:20
  • 33 491
  • 0

Кандыдатамі жадаюць стаць

  • 21 август 2012, 15:30
  • 32 443
  • 0

Злавілі рыбку, ды… залатую

  • 28 февраль 2011, 16:16
  • 31 031
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 21 456
  • 2
Курс валют НБРБ
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 22 ноября 2018
Александр, Алексей, Антон, Виктор, Дмитрий, Иван, Илья, Иосиф, Константин, Порфирий, Тимофей, Федор, Семен

Именины 21 ноября 2018
Гавриил, Михаил, Павел, Рафаил, Марфа

Госці краін
free counters
Партнеры сайта