Авторизация
 

Рабочая група наведала Язненшчыну

 14 ліпеня рабочая група ў складзе намесніка старшыні райвыканкама Таццяны Стальмачонак, намесніка начальніка ўпраўлення сельскай гаспадаркі і харчавання Андрэя Батуры і нашага карэспандэнта наведала Язненшчыну. У Дзень сельсавета асаблівую ўвагу звярнулі на добраўпарадкаванне, актуальныя пытанні. На падвядзенні вынікаў напрыканцы ліпеня не толькі прагучаць асноўныя праблемы, падмацаваныя фотаілюстрацыямі, але і аналіз выкананага. Усе заўвагі ўзяла на аловак старшыня сельвыканкама Валянціна Фядзьковіч. 

Да першага аб'екта — вёскі Пашніно — рабочая група дабралася даволі хутка. Дарога паказалася лёгкай, без перашкод і калдобін. Наводзіў сум хіба што дожджык, які церушыў за аўтамабільным шклом. На гэтай ноце не заўважылі ў лістоце дрэў указальнік і праехалі паварот. Леваруч дарогі тоўстым камлём і высахлымі разгалістымі сукамі сустрэла вялізнае аварыйнае дрэва. Паводле статыстыкі, у Пашніно 25 жыхароў, 15 з якіх — пенсіянеры. Праблемы вёскі звычайныя — пакінутыя хаты, быльнёг ля іх і абапал дарог. Насенны склад абкошаны часткова. "Замінка за тым, што касец стаміўся", — патлумачыў старшыня мясцовай гаспадаркі.


Населены пункт Кілепава хутка можа знікнуць з геаграфічнай карты. Пакуль тут 10 жыхароў, палова з іх пенсіянеры. Пустыя будынкі, зернясховішча патанаюць у быльнягу. Кіраўнік гаспадаркі прызнаў, што памяшканне даўно не ў вытворчасці, таму пакуль "не да яго". 

Вёска Амбросенкі яшчэ менш населеная. Вольга Канстанцінаўна пачула сабачы брэх і выйшла на панадворак. Ёй 80, але ніякія хваробы на ўзрост не спісвае. Бадзёрая і актыўная, нават гадуе кароўку. Дапамагае сын, які часта наведваецца з Наваполацка. Бабуля ўспамінае, што ў гады яе маладосці ў Амбросенках жыло шмат людзей, цяпер толькі шасцёра. На выездзе з вёскі дарогу захінула дрэва, нядаўна зламанае бурай.


Язна — дагледжаная і па-сардэчнаму цёплая вёска. Лепшымі на ўсю краіну прызнаны культурны комплекс — Дом культуры, бібліятэка і музычная школа з іх таленавітымі і апантанымі кіраўнікамі. Два гады таму па медыцынскіх і іншых паказчыках першай у Беларусі стала Язненская ўчастковая бальніца і яе галоўны ўрач Уладзімір Пашковіч. Гэта першае, што ўспамінаецца адразу. Тут шмат адметнага і прыгожага. Абласны фестываль "Язненскі благавест", фальклорны гурт "Язынка", крыніца Святога Яна, царква Праабражэння Гасподняга, узведзеная ў 1900 годзе. Нібы візітоўка, на ўез-дзе сустракае дом старшыні сельвыканкама Валянціны Фядзьковіч. Яна паказвае прыклад сяльчанам у добраўпарадкаванні.


Мясцовае паштовае аддзяленне ўкамплектаванае харчовымі і прамысловымі таварамі, друкаванай прадукцыяй. Загадчыца Ала Шамшур не дае ўсумніцца, што ўсё карыстаецца попытам. Сапраўды, кліенты заходзяць, а "раёнак" падпісана 193, гэта амаль на кожную сям'ю. Засмучаюць зламаныя металічныя парэнчы на ганку. Дарэчы, ужо не першы раз. Паштовае аддзяленне побач з Домам культуры, таму прымае "ўдары" ад нядобрасумленных танцораў. Парэнчы хутка стануць на месца, але ці выправяцца зламыснікі?


Установы культуры не пустуюць ні ўзімку, ні летам. Бібліятэкар Ларыса Карпава запрашае малых і дарослых чытачоў, ганарыцца творчымі аднасяльчанамі, уражана нядаўнім выступленнем фальклорнага гурта "Язынка" на фестывалі ў Апочцы.


Язненскі магазін "Удобный" належыць "Міёрыгандль". Прамысловы аддзел тут небагаты. Будаўнічыя матэрыялы разыходзяцца "з малатка". Напрыклад, цвікоў засталіся рэшткі, хоць нядаўна іх завезлі дзевяць відаў, кожнага па 20 кг. Праблема з фарбай і шыферам. Гэтых тавараў не стае на раённай базе. Між тым харчовай прадукцыі хоць адбаўляй. Загадчыца Галіна Арол расказвае, што многае хоць на капейку танней чым у "Ніцы", якая стварае канкурэнцыю. Напрыклад, там ахвотней купляюць полацкі хлеб. Ва "Удобным" бедны каўбасны асартымент. Але прадавец запэўнівае, што ён не карыстаецца попытам, на "ўра" ідзе гародніна.


Цвінтар мясцовай царквы патанае ў кветках. Настаяцель храма Сергій Гуцко паклапаціўся пра новае ацяпленне, адрамантаваў падмурак плата, цяпер завіхаецца над будынкам дзіцячай нядзельнай школы, што побач з царквой. Дзеткі, дарэчы, тут ужо займаліся. Даглядаць тэрыторыю дапамагаюць прыхаджане. Але без тэхнікі і мужчынскай сілы складана, у тым ліку і ў навядзенні парадку на могілках. Таму намеснік старшыні райвыканкама Таццяна Стальмачонак папрасіла кіраўніка мясцовай гаспадаркі Станіслава Багдановіча, як каардынатара працоўнай сілы, дапамагаць святыні.


 У ААТ "Язна" рабочы рэжым. Між тым вакол фермы буяе быльнёг, прабіраецца ён і праз цэментаваны расшчэплены ганак, на прафілакторыі для цялят-малочнікаў хістаецца плёнка. На тэрыторыі майстэрні складзіраваны шыфер зарос травой, а ў бытавым пакоі рукі хутчэй забрудзіш, чым памыеш. "Не да прыгажосці", — разводзіць рукамі старшыня. Спасылаецца на больш значныя праблемы. Аднак без малога не бывае вялікага.


Каравул у пажарнай частцы неслі Аляксандр Ганебны і Арцём Маляўка. Паўсюль чысціня. Клумбы ў хлопцаў куды лепшыя, чым у даярак ля фермы.


На вышыні і дзіцячы садок, якім загадвае Ірына Балай. Здалёк вабяць вока апартаменты лясніцтва. Прыклад для пераймання-участковая бальніца. На варце дабрабыту Язненшчыны начальнік прадпрыемства меліярацыйных сістэм Пётр Радзюк. Кіруе ім 28 гадоў, а ў гэтай сферы з 1973-га. У ПМС разам з сезоннымі 80 работнікаў, пастаянных — 62. Цяпер калектыў выконвае праекты па заказе "Цітова", "Папшулёў", "Белбуднафтагазу", ёсць іншыя перспектывы. Загрузка пакуль поўная, гэта прымушае не раслабляцца, а як стымул — добры заробак.
Вывад адзін: у добрых гаспадароў і справы ладзяцца.

Фота аўтара.

Алена БАСІКІРСКАЯ.

скачать dle 11.3
рейтинг: 
Пакінуць каментар
иконка
Наведвальнікі, змешчаныя ў групе Гости, не могуць пакідаць каментары да дадзенай публікацыі.
Мы ў сацыяльных сетках
  • Вконтакте
  • Facebook
  • OK
  • Камэнтуюць
  • Актуальна
  • Чытанае

Рэцыдыў

  • 09 ноябрь 2010, 11:17
  • 75 652
  • 0

Інвестыцыйны форум

  • 23 сентябрь 2011, 10:05
  • 33 687
  • 1

Кандыдатамі жадаюць стаць

  • 21 август 2012, 15:30
  • 12 338
  • 0

Пераброддзе 2012. Погляд вучонага

  • 31 август 2012, 15:19
  • 11 366
  • 0

Злавілі рыбку, ды… залатую

  • 28 февраль 2011, 16:16
  • 10 922
  • 0

  • 11 февраль 2011, 11:20
  • 10 357
  • 0

Вагон "вярнуўся"

  • 11 июнь 2013, 10:04
  • 0
  • 2

Пра тых, хто акты рэгіструе

  • 19 декабрь 2012, 09:24
  • 0
  • 2

Трагічны люты

  • 01 март 2011, 09:00
  • 3 865
  • 2
Курс валют в Беларусь
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 23 сентября 2017
Андрей, Василий, Гавриил, Глеб, Евгений, Иван, Климент, Константин, Николай, Павел, Петр, Татьяна, Семен

Именины 22 сентября 2017
Александр, Алексей, Василий, Григорий, Дмитрий, Захар, Иосиф, Никита, Сергей, Анна, Афанасий

Госці краін
free counters
Партнеры сайта