Авторизация
 

Аляксандр Лукашэнка: змагацца з наркаманіяй трэба так, каб і думак не ўзнікала займацца збытам небяспечнага зелля

 Прэзідэнт адзначыў, што барацьбу з наркаманіяй неабходна весці на такім узроўні, каб і думак не ўзнікала займацца збытам небяспечнага зелля. Пакаранне павінна быць непазбежным, судовае рашэнне – справядлівым, а прафілактыка – эфектыўнай. Такія тры кіты паспяховага супрацьдзеяння распаўсюджанню наркотыкаў. Гэта тэма абмяркоўвалася на пасяджэнні ў Прэзідэнта.

Па статыстыцы, кожны дваццаты жыхар планеты спажывае наркотыкі. Штогод ад іх гінуць звыш 200 тысяч чалавек. Насельніцтва вялікага горада! Не абышла навала і нашу краіну. Медыкі з жахам узгадваюць падзеі шасцігадовай даўніны, калі маладыя людзі, трапіўшы на «спайсавы кручок», калечылі адзін аднаго і паміралі ад перадазіроўкі. Пераломным момантам стаў антынаркатычны дэкрэт ад 2014 года, які спыніў распаўсюджанне спайсаў, курыльных сумесяў і іншых псіхатропаў. Адначасова павысілі крымінальную адказнасць за нарказлачынствы. У выніку за пяць гадоў іх колькасць скарацілася ў 1,5 раза, з удзелам непаўналетніх – у пяць разоў. Смяротнасць ад перадазіровак наркотыкамі ў Беларусі ў 14 разоў ніжэй, чым у Літве, і ў 72 – чым у ЗША. Сітуацыю пераламілі, але заспакойвацца рана, лічыць кіраўнік дзяржавы. Прывабная наша краіна для наркагандляроў з пункту погляду геаграфіі і лагістыкі. Таму акцэнт неабходна змясціць на барацьбу з кіраўнікамі арганізаваных груп і аптовых звёнаў наркатрафіку.


Дарэчы, толькі за мінулы год органы ўнутраных спраў перакрылі 29 каналаў і адабралі звыш 700 кілаграмаў наркотыкаў і псіхатропаў. Кіраўнік ведамства Юрый Караеў патрабуе ад падначаленых працаваць па-новаму, у тым ліку ўзмацніўшы інтэрнэт-разведку ў барацьбе з распаўсюджаннем наркотыкаў. На супрацьдзеянне наркагандлярам нацэлены ўсе супрацоўнікі: ад патрульных да ўчастковых.


Аднак найлепшы сродак барацьбы з наркаманіяй, як і з любой хваробай, упэўнены Аляксандр Лукашэнка – прафілактыка.
– Пакуль будзем змагацца толькі з наступствамі, а не з прычынамі, карэннага паляпшэння сітуацыі не даб’ёмся. Самы эфектыўны бар’ер на шляху распаўсюджання наркотыкаў – гэта іх татальнае непрыняцце грамадствам. Не будзе попыту, не стане і прапаноў. Нам гэтага трэба дабівацца. Дзейнічаць неабходна на папярэджанне па лініі ўстаноў адукацыі, аховы здароўя, і перш за ўсё, сям’і. Важнае значэнне мае ўдасканаленне антынаркатычнай прапаганды з улікам інтарэсаў моладзі. Разам з традыцыйнымі СМІ тут неабходна актыўна падключаць сацыяльныя сеткі і іншыя віды папулярных у падлеткаў інтэрнэт-рэсурсаў.


Па выніках нарады будзе падрыхтаваны комплексны дакумент пра далейшыя меры па супрацьдзеянні наркотыкам. У ім знойдуць адлюстраванне прапановы ўсіх зацікаўленых – ад міліцыі і пракуратуры да выкладчыкаў і ўрачоў.

Фота для ілюстрацыі.
Па матэрыялах друку.

рейтинг: 
Пакінуць каментар
иконка
Посетители, находящиеся в группе Гости, не могут оставлять комментарии к данной публикации.
Мы ў сацыяльных сетках
Курс валют у Міёрах
Святы
Праздники БеларусиБлижайшие праздники Беларуси

Православные праздникиБлижайшие православные праздники

Католические праздникиБлижайшие католические праздники

Именины 17 августа 2022
Алексей, Андрей, Денис, Дмитрий, Иван, Константин, Кузьма, Максимилиан, Михаил, Дарья, Евдокия, Ирина, Ия, Марфа, Семен

Именины 16 августа 2022
Антон, Вячеслав, Иван, Исаакий, Кузьма, Николай

Госці краін

free counters
Партнеры сайта