Жыхарка райцэнтра Тамара Басакова, купіўшы лекі ў аптэцы, толькі пасля даведалася, што на пэўны іх пералік для пенсіянераў існуе скідка. Як інфармуюць людзей пра такі парадак?
Адказвае загадчыца цэнтральнай аптэкі Ніна Гарбачонак:
—На інфармацыйным стэндзе, размешчаным на бачным месцы, побач з астатнімі аб'явамі, а таксама над кожным акенцам вісіць пералік лекаў айчыннай вытворчасці, на якія распаўсюджваецца 10% скідка грамадзянам пенсіённага ўзросту, інвалідам, шматдзетным сем’ям. Для гэтага пакупнікі павінны паказаць фармацэўту пенсіённае пасведчанне або дакумент, які пацвярджае іншыя сацыяльныя статусы.